ഷോറൂമിങ്: ഭീഷണി നേരിടാൻ 5 മാർഗങ്ങൾ

ഷോറുമിൽ വന്ന് ഉൽപന്നം കണ്ടും പരിശോധിച്ചും അറിഞ്ഞശേഷം അത് ഇ-കൊമേഴ്സ് സ്ഥാപനങ്ങളിൽ നിന്നും വാങ്ങുന്ന രീതി കച്ചവടക്കാർക്കു വലിയ നഷ്ടമുണ്ടാക്കുന്നു.

- ഡോ. സാജിദ് നാസർ

ഇ-കൊമേഴ്സ് സ്ഥാപനങ്ങൾ പരമ്പരാഗത വ്യവസായങ്ങൾക്ക് ഉയർത്തുന്ന വെല്ലുവിളി ചെറുതല്ല. ഇതിനെ അടുത്ത തലത്തിലേക്കെത്തിക്കുന്ന ഒന്നാണ് ഷോറൂമിങ്'. കേൾക്കുമ്പോൾ കൗതുകകരമായി തോന്നുമെങ്കിലും അല്പം പ്രശ്നക്കാരനാണിവൻ. കച്ചവടസ്ഥാപനങ്ങളിലും ഷോറൂമിലും വന്ന് ഉൽപന്നങ്ങൾ കണ്ടും പരിശോധിച്ചറിഞ്ഞും ഉപയോഗിച്ചു നോക്കിയതിനും ശേഷം അതേ ഉൽപന്നം ഇ-കൊമേഴ്സ് വഴി വാങ്ങുന്ന പ്രവണതയാണിത്. ഉദാഹരണത്തിന്, ഉപഭോക്താവിനു വുഡ്ലാൻഡിന്റെ ഷൂ വാങ്ങണമെങ്കിൽ അദ്ദേഹം വുഡ്ലാൻഡ് ഷോറൂമിൽ എത്തും. തനിക്കിഷ്ടപ്പെട്ട ഷൂ ഇട്ടു നോക്കി തൃപ്തിപ്പെട്ട് ഫ്ലിപ്കാർട്ടിൽ നിന്നും വാങ്ങും. ഇവിടെ ഈ ഉപഭോക്താവിനെ പരിചരിക്കാനായി നീക്കി വയ്ക്കുന്ന സമയവും അധ്വാനവും ഷോറൂം ഉടമയ്ക്ക് നഷ്ടം. അതുകൊണ്ട് ഈ രീതിയെ ചെറുക്കേണ്ടത് ഏതു