മിച്ചത്തെ സമ്പത്താക്കുന്ന മ്യൂച്വൽഫണ്ട് മാജിക്

പണപ്പെരുപ്പം മറികടക്കുന്ന നേട്ടം നൽകുന്ന നിക്ഷേപം എന്ന നിലയിൽ സാധാരണക്കാരുടെ ജീവിതത്തിൽ മ്യൂച്വൽഫണ്ട് വഹിക്കുന്ന പങ്ക് വളരെ വലുതാണ്.

- ബാലചന്ദ്രൻ വിശ്വാറാം ഇൻഷുറൻസ്, മ്യൂച്വൽ ഫണ്ട് അഡ്വൈസർ

നമ്മുടെ മാതാപിതാക്കൾ എപ്പോഴും സമ്പാദ്യത്തെപ്പറ്റി പറയും, കിട്ടുന്നതിൽ അൽപം മിച്ചം പിടിക്കുന്നതിനെപ്പറ്റി ഓർമിപ്പിച്ചു കൊണ്ടേയിരിക്കും. കിട്ടുന്ന വരുമാനം കൊണ്ടു ചിട്ടിയിൽ ചേരുകയോ, ബാങ്കിലിടുകയോ ഒക്കെയായിരുന്നു അവരുടെ രീതി. നിക്ഷേപം അഥവാ ഇൻവെസ്റ്റ്മെന്റിലൂടെ സമ്പത്തു സൃഷ്ടിക്കുക എന്നതിനെക്കുറിച്ചു സാധാരണക്കാരന് കാര്യമായ ധാരണയില്ലായിരുന്നു. എന്നാൽ ഇന്ന് കാര്യങ്ങൾ മാറി. ഈ ഒരു മാറ്റത്തിൽ മ്യൂച്വൽ ഫണ്ട് എസ്ഐപിയുടെ പങ്ക് വളരെ വലുതാണ്. സിസ്റ്റമാറ്റിക് ഇൻവെസ്റ്റ്മെന്റ് പ്ലാനിലൂടെ ആരുടെ പോക്കറ്റിനും ഇണങ്ങുന്ന മാസത്തവണയിലൂടെ ഇക്വിറ്റി ഫണ്ടിൽ നിക്ഷേപിക്കാം. വർഷങ്ങൾകൊണ്ടു സമ്പത്തു വളർത്താം. അങ്ങനെ നല്ല നിക്ഷേപകനാകാം.

സേവിങ്സ് vs ഇൻവെസ്റ്റ്മെന്റ്