അച്ഛനമ്മമാരുടെ വസ്തുവകകൾ കൈക്കലാക്കുന്നവർ സൂക്ഷിക്കുക

ജീവനാംശം നൽകാനുള്ള ട്രിബ്യൂണൽ ഉത്തരവു പാലിക്കാത്തവർക്കെതിരെ വാറൻറ്റ്  പുറപ്പെടുവിക്കാനും ജയിലിലടയ്ക്കാനും നിയമം അനുശാസിക്കുന്നു.

- സി എസ് രഞ്ജിത്ത്

ഇഷ്ടദാനമെന്നൊക്കെയുള്ള ഓമനപ്പേരുകളിൽ വസ്തുവകകൾ കൈക്കലാക്കുകയും പ്രായാധിക്യത്താൽ സാമ്പത്തികവും ശാരീരികവും മാനസികവുമായി തളരുന്ന ഘട്ടത്തിൽ അച്ഛനമ്മമാരെ ഉപേക്ഷിക്കുകയും ചെയ്യുന്നവരുടെ എണ്ണം കൂടിവരികയാണ്. എന്നാൽ, ഇത്തരക്കാർ അറിയേണ്ട ഒന്നുണ്ട്. അനന്തരാവകാശികൾ ഉയർത്തുന്ന കുടിയൊഴിപ്പിക്കൽ ഉൾപ്പെടെയുള്ള ഭീഷണികളിൽനിന്നു മുതിർന്ന പൗരൻമാർക്കു സംരക്ഷണം ഉറപ്പാക്കുന്ന ശക്തമായ നിയമം രാജ്യത്തും സംസ്ഥാനത്തും നിലവിലുണ്ട്, അതും നടപടിക്രമങ്ങളുടെ നൂലാമാലകളൊന്നും ഇല്ലാതെ തന്നെ. ഈ നിയമത്തിന്റെ പ്രധാന വകുപ്പുകൾ മനസ്സിലാക്കുന്നതു മുതിർന്ന പൗരൻമാർക്ക് ഗുണം ചെയ്യും.

മൂർച്ചയുള്ള സംരക്ഷണനിയമം