വ്യക്തിത്വം തിരുത്താം, സമ്പത്തു നേടാം

നമ്മുടെ സാമ്പത്തിക വ്യക്തിത്വം, സമ്പന്നതയിലേക്കു നീങ്ങാൻ സഹായിക്കുന്നതാണോ? അതോ കടവും ബാധ്യതയുമൊക്കെ ക്ഷണിച്ചു വരുത്തുന്നതാണോ?

- സന്തോഷ് ശിശുപാൽ

അവനവന്റെ സാമ്പത്തിക വ്യക്തിത്വം തിരിച്ചറിയാനും പുരോഗതിയിലേക്കു നീങ്ങാൻ ആവശ്യമായ തിരുത്തലുകൾ വരുത്താനുമുള്ള വഴികളിൽ മിതവിനിയോഗ വ്യക്തിത്വത്തെ (സേവേഴ്സ് പഴ്സനാലിറ്റി) പറ്റി കഴിഞ്ഞ ലക്കത്തിൽ പറഞ്ഞിരുന്നു. ഇനി അടുത്ത രണ്ടു സാമ്പത്തിക വ്യക്തിത്വങ്ങൾ അറിയാം.

അമിതവ്യയ വ്യക്തിത്വം

അമിതവ്യയ വ്യക്തിത്വം (ബിഗ് സ്പെൻഡേഴ്സ് പഴ്സനാലിറ്റി) തീർച്ചയായും സാമ്പത്തിക പുരോഗതിക്കു വലിയൊരു തടസ്സമാണ്. ബ്രാൻഡഡ് വസ്ത്രങ്ങൾ, പുതിയ വാഹനങ്ങൾ, സ്മാർട് ഫോണുകൾ, പുതിയ ഗാഡ്ജറ്റുകൾ ഇവയോടൊ അധിക താൽപര്യം കാണിക്കുന്നവർ ഈ വ്യക്തിത്വം ഉള്ളവരാകാം.