கலங்கடிக்கும் 'டாக்சிக் லவ் கொலைகள்!

காதல் என்றால் கல்யாணத்தில்தான் முடியவேண்டுமா? இப்போதெல்லாம் பல காதல்கள் கொலையில் முடிந்துவிடுகின்றன. பன்னீர்த்துளி சிந்தவேண்டிய இடத்தில் ரத்தம் கொட்டும் காரணம் என்ன என்பது அலசப்பட வேண்டியதாக இருக்கிறது

- நெல்லை பரிதி

அதற்கு முன்பாக கொலையும் செய்வாள் காதலி என்பதை நிரூபிக்கும் விதமாக காதலுக்காக காதலனையே போட்டுத்தள்ளத் துணிகின்ற கனல் பறக்கும் கதையையும் பார்த்தாக வேண்டியுள்ளது.

★ சத்தீஸ்கரின் பஸ்தார் மாவட்டத்தில் தம்ருதர் பாகேல் என்பவருக்கு கல்யாணம். வீடே விழாக்கோலம் பூண்டிருக்க, மாலை மயங்கிய வேளையில், மன்மதக் கனவுகளில் திளைத்திருந்த காதலனின் முகத்தில் திடீரென ஆசிட் வீசப்படுகிறது.

கிராமத்தில் பொருத்தப்பட்டிருந்த சிசிடிவி கேமராவை ஆய்வு செய்தபோது, தம்ருதர் பாகேலின் முன்னாள் காதலியே ஆண்வேடத்தில் வந்து ஆசிட் வீசியது தெரியவந்தது. தன்னை விட்டு இன்னொரு பெண்ணுக்கு மாலை சூடவிருந்த ஆத்திரத்தில், தான் வேலை செய்யும் மிளகாய்த்தூள் கம்பெனியிலிருந்து ஆசிடை திருடிவந்து கவனமாக காதலன் மீது வீசியுள்ளார்.

★