‘இலை'யை துளிர்க்க விடுமா தாமரை!

பறிபோய்விடுமோ இரட்டை இலை என்ற பரிதவிப்பில் இருந்த அதிமுக அடிமட்டத்தொண்டர்கள் ஆசுவாசம் அடையும் வகையில் இடைத்தேர்தல் பரிசாக அது கைவந்துவிட்டது.

- பரிதிபாலன்

ஆனால், ஏற்கனவே பாஜக கைப்பட்டு அது வாடி இருக்கிறது. மேலும் அது வதங்கிவிடக்கூடாது என்பதே பல்லாயிரக்கணக்கான அதிமுக தொண்டர்களின் வேண்டுதலாக உள்ளது.

இந்திய அளவில் கூட்டணி கட்சியை கருவியாக்கி பதவியை கைப்பற்ற வியூகம் அமைக்கும் பாஜக, தமிழ்நாட்டிலும் அதிமுகவை பகடையாக்கி அடுத்து வரும் நாடாளுமன்றத்தில் தடம் பதிக்க எண்ணுகிறது.

ஜெயலலிதா மறைவுக்கு பின்னர் பாஜகவை விட்டு விலகமுடியாத ஓர் அரசியல் நிர்பந்த சூழ்நிலை அதிமுகவுக்கு ஏற்பட்டுள்ளது. அதனால் மக்கள் ஆதரவை பெற்ற அந்த மாபெரும் இயக்கம் புளியமரத்துக்கு கீழே முளைத்த புல் போல் வளரமாட்டாமல் கூனிக்குறுகிக்கிடக்கிறது.

மார்க்சிஸ்ட் கம்யூனிஸ்ட் கட்சி பொதுச்செயலாளர் பாலகிருஷ்ணன், "அதிமுக ஒன்றிணைவதை பாஜகவினர் விரும்ப மாட்டார்கள். அந்தக் கட்சியை அழித்து அதன் மூலம் தமிழகத்தில் கால்பதிக்க நினைக்கிறார்கள்" என்று குறிப்பிட்டுள்ளார்.

இதற்கு பதிலளிப்பது போல் அ.தி.மு.க.வின் பொன்னையன் பேச்சு அமைந்துள்ளது.