വീട്ടിലും വെള്ളം പാഴാക്കാതെ നോക്കാം

നിത്യേനയുള്ള വീട്ടുജോലിക്കിടയിൽ എത്രമാത്രം വെള്ളമാണ് ദിവസവും പാഴായി പോകുന്നത്. അതേക്കുറിച്ച് എപ്പോഴെങ്കിലും ചിന്തിച്ചിട്ടുണ്ടോ നമ്മുടെ ശീലങ്ങളിൽ അൽപം മാറ്റം വരുത്തിയാൽ ഇതിന് പരിഹാരം കണ്ടെത്താനാവും. അതിനുള്ള വഴികളിതാ...

- 

അടുക്കള

അടുക്കളയിലെ സിങ്കിൽ തുടർച്ചയായി ഒരു മിനിറ്റ് ടാപ്പ് തുറന്നിട്ടാൽ 10-20 ലിറ്റ റോളം വെള്ളം നഷ്ടമാകും. മറ്റു ജോലി കൾ ചെയ്യുമ്പോഴും പലതവണയായി ടാപ്പ് തുറന്ന് വെള്ളം എടുക്കുന്നതിനു പകരം ഒരു ബക്കറ്റിൽ ആദ്യമേതന്നെ എടുക്കുക. പാത്രം കഴുകാൻ ഇതിൽനിന്നെടുക്കാം.

അഴുക്ക്, എണ്ണമയം എന്നിവയുള്ള പാ ത്രങ്ങൾ ആദ്യം അല്പം വെള്ളത്തിൽ കഴുകിയശേഷം മാത്രം ബാക്കി ടാപ്പിൽ കഴുകുക.

പഴങ്ങൾ, പച്ചക്കറികൾ എന്നിവ ടാപ്പിൽനിന്ന് നേരിട്ട് കഴുകാതെ പാത്രത്തിലിട്ട് കഴുകുക. ബാക്കിവരുന്ന വെള്ളം ഒരു പാത്രത്തിലേക്ക് മാറ്റിവെച്ച് ചെടി നനക്കാനുപയോഗിക്കാം.

അടുക്കളയിൽ വാങ്ങുന്ന ഉപകരണങ്ങളെല്ലാം പരമാവധി വാട്ടർ എഫിഷ്യന്റ് ആണെന്ന് ഉറപ്പുവരുത്തുക. ഡിഷ് വാഷറും മറ്റും വാങ്ങുമ്പോൾ "ലൈറ്റ് വാഷ് ഓപ്ഷനുള്ളത് നോക്കിയെടുക്കാൻ ശ്രദ്ധിക്കണം.

സാധനങ്ങൾ വേവിക്കാൻ ആവശ്യത്തിലധികം വലുപ്പമുള്ള പാത്രം എടുക്കുന്നവരുണ്ട്. ഇങ്ങനെ ചെയ്യുന്നതിലൂടെ വെള്ളത്തിൻറെ ഉപയോഗം കൂടും. പാകത്തിന് വലുപ്പമുള്ള പാത്രമെടുത്ത് ആവശ്യത്തിന് വെള്ളം ഉപയോഗിച്ച് പാചകം ചെയ്യാൻ ശീലിക്കാം.

വാഷ്ബേസിൻ

വാഷ്ബേസിൻ ടാപ്പ് തുടർച്ചയായി തു റന്നിടുന്നതും വെള്ളം നഷ്ടമാകാൻ ഇ ടയാക്കും. ഇവിടെയും കപ്പിൽ വെള്ളം എടുത്തുവെച്ച് ഉപയോഗിക്കാം.