അൽപ്പം ശ്രദ്ധ, ബിപി നിയന്ത്രിക്കാം

ഹൃദയാഘാതം, പക്ഷാഘാതം എന്നീ ഗുരുതരാവസ്ഥകൾ, കൂടാതെ വൃക്കരോഗം, മറവിരോഗം പോലുള്ള മറ്റു പല രോഗങ്ങളിലും ഏറ്റവും അധികം പങ്കുവഹിക്കുന്ന അപായ ഹേതുവാണ് രക്താതിസമ്മർദം. രക്തസമ്മർദത്തിന്റെ അളവ് വർദ്ധിക്കുന്തോറും ഈ അപായ സാധ്യതയും വർദ്ധിക്കുന്നു

- ഡോ. പി.ശോഭ കൺസൾട്ടന്റ്, ഫാമിലി മെഡിസിൻ വിപിഎസ്-ലേക്ക്ഷോർ ഹോസ്പിറ്റൽ കൊച്ചി

പൊതുവായ ഒരു ധാരണ രക്താതിസമ്മർദ്ദം ചികിത്സിച്ചു ഭേദമാക്കാവുന്ന രോഗമാണെന്നാണ്.

ഫലപ്രദമായതും സുരക്ഷിതവുമായ മരുന്നുകൾ രക്താതിസമ്മർദ്ദ ചികിത്സക്ക് ലഭ്യമാണെങ്കിലും പലപ്പോഴും രോഗികൾ മരുന്ന് കഴിക്കാൻ കൂട്ടാക്കുന്നില്ല.

മറ്റ് അപായഹേതുക്കൾ ഉദാഹരണത്തിന്, പ്രമേഹം, കൊഴുപ്പ്, അമിതവണ്ണം എന്നിവയും നിയന്ത്രണത്തിലാക്കുന്നില്ല.

രക്താതിസമ്മർദ്ദം ശരീരത്തിലെ പല അവയവങ്ങ ളെയും ബാധിക്കുന്ന പ്രശ്നമാണെന്ന്, ചികിത്സകർ പൊതുജനങ്ങൾക്ക് നൽകേണ്ട സന്ദേശമാണ്. ഇത് ശരിയായ ജീവിതശൈലി പ്രാവർത്തികമാക്കുവാനും ചികിത്സ തുടരുവാനും മറ്റുള്ളവർക്ക് പ്രചോദനമാകുന്നു.

അസുഖം നേരത്തെ കണ്ടുപിടിക്കുക ഇതിനുവേണ്ടിയുള്ള മരുന്നുകൾ കഴിക്കുക ചികിത്സ തേടുകയും തുടരുകയും ചെയ്യുക കൃത്യസമയത്ത് പരിശോധന നടത്തുക

ഹൈപ്പർടെൻഷൻ അഥവാ രക്താതിസമ്മർദ്ദം ഒരു വളരെ പ്രധാനപ്പെട്ട പൊതു ആരോഗ്യ പ്രശ്നമാണ്. ഈ രോഗം ഇനിയും വർദ്ധിക്കുവാനുള്ള സാധ്യതയുണ്ടെന്നാണ് പറയപ്പെടുന്നത്. 2008 ൽ 972 ദശലക്ഷം ആളുകൾക്ക് രക്താതിസമ്മർദ്ദം ഉണ്ടായിരുന്നുവെങ്കിൽ, ഇത് 2025ൽ 1.56 ലക്ഷം കോടി ആകുമെന്നാണ് പ്രതീക്ഷിക്കുന്നത്. ഹൃദയാഘാതം, പക്ഷാഘാതം എന്നീ ഗുരുതരാവസ്ഥകൾ, കൂടാതെ വൃക്ക രോഗം, മറവിരോഗം പോലുള്ള മറ്റു പല രോഗങ്ങളിലും ഏറ്റവും അധികം പങ്കുവഹിക്കുന്ന അപായ ഹേതുവാണ് രക്താതിസമ്മർദം, രക്ത സമ്മർദത്തിന്റെ അളവ് വർദ്ധിക്കുന്തോറും ഈ അപായ സാധ്യതയും വർദ്ധിക്കുന്നു. ഇന്ത്യയിലും മറ്റു വികസ്വര രാജ്യങ്ങളിലും ഭീതിജനകമാവും വർദ്ധിക്കുന്നത്. ലോകാരോഗ്യ സംഘടനയുടെ ലോകാരോഗ്യ റിപ്പോർട്ട് പ്രകാരം 2002 മുതൽ രക്താതിസമ്മർദത്തെ, സർവ്വപ്രധാനമായ കൊലയാളി എന്നാണ് വിശേഷിപ്പിക്കുന്നത്.

എന്താണ് രക്തസമ്മർദം ?

രക്തസമ്മർദം കൊണ്ട് ഉദ്ദേശിക്കുന്നത്, ഹൃദയ മിടിപ്പിനുസരിച്ച് രക്തം, രക്തക്കുഴലുകളിൽ കൂടി സഞ്ചരിക്കുമ്പോൾ ഈ കുഴലുകൾ കൊടുക്കുന്ന സമ്മർദത്തെയാണ്.

എന്താണ് അക്കങ്ങൾ?