കറിവേപ്പും മുരിങ്ങയും

അടുക്കളത്തോട്ടത്തിലേക്ക് ദീർഘകാല പച്ചക്കറികൾ

- ആർ. വീണാറാണി അഡീഷനൽ ഡയറക്ടർ (റിട്ട.), കൃഷിവകുപ്പ്. e-mail: [e-mail], veena4raghavan@gmail.​com

അടുക്കളത്തോട്ടത്തിൽ നിന്നു മഴക്കാലത്തും വേനൽക്കാലത്തും ഒരേ തോതിൽ പച്ചക്കറി ലഭിക്കണമെന്നില്ല. ചീരയും പയറുമെല്ലാം പൊതുവേ മഴക്കാലത്തോടു മുഖം തിരിച്ചു നിൽക്കുന്നവരാണ്. അടുക്കളത്തോട്ടത്തെ ആശ്രയിച്ച് വീട്ടിലെ അടുക്കള മുന്നോട്ടു പോകണമെങ്കിൽ ദീർഘകാല പച്ചക്കറികൾ നട്ടേ മതിയാകൂ. ജൂൺ-ജൂലൈ മാസങ്ങളാണ് ദീർഘകാല പച്ചക്കറികൾ നടാൻ കൂടുതൽ യോജ്യം. ഇവയിൽ ഒന്നാമനാണു കറിവേപ്പ്. നമ്മുടെ കാലാവസ്ഥയിൽ കറിവേപ്പ് നന്നായി വളരും. ധാരാളം സൂര്യപ്രകാശം ലഭിക്കുന്ന സ്ഥലത്തു വേണം കറിവേപ്പു നടേണ്ടത്. ഒന്നരയടി നീളം വീതി താഴ്ചയുള്ള കുഴിയെടുത്ത് 10 കിലോ ചാണകപ്പൊടിയും മേൽമണ്ണും ചേർത്ത്തൈ നടാം. കൂടുതലെണ്ണം കൃഷി ചെയ്യുകയാണെങ്കിൽ ചെടികൾ തമ്മിൽ 6 അടി അകലമെങ്കിലും നൽകണം.

നടീൽ, പരിപാലനം