കുപ്പിക്കുള്ളിലെ വരുമാനം

കുറഞ്ഞ മുതൽമുടക്കു മതി

- ഐബിൻ കാണ്ടാവനം

ആരെയും ആകർഷിക്കുന്ന ഭംഗിയാണ് ഫൈറ്റർ ഫിഷുകൾക്ക്. ഇവയുടെ ഭംഗി കണ്ട് ഇഷ്ടപ്പെട്ട് സ്വന്തമാക്കുന്നവരിൽ പലർക്കും വൈകാതെതന്നെ അവയെ നഷ്ടപ്പെടുകയാണു പതിവ്. മറ്റു മത്സ്യങ്ങളെപ്പോലെ എയറേഷനോ ഫിൽട്രേഷനോ ഒന്നും വേണ്ടാതെ, ചെറിയ ഗ്ലാസിൽ പോലും വളരുന്ന ബേറ്റാ അഥവാ പടയാളി മത്സ്യങ്ങൾ എന്തുകൊണ്ട് ഇങ്ങനെ ചത്തുപോകുന്നുവെന്നു ചിന്തിച്ചിട്ടുണ്ടോ? വെള്ളം തന്നെ കാരണം (ബോക്സ് നോക്കുക) എന്നു പറയുന്നു കോട്ടയം മാന്നാനം മുകളേൽ ചേന്തുരുത്തേൽ ജിതിൻ ജോണി. കോവിഡ് കാലത്ത് 2 മത്സ്യങ്ങളെ വളർത്തിത്തുടങ്ങിയ ജിതിൻ ഇന്നു വീടിന്റെ മട്ടുപ്പാവിൽ അഞ്ഞൂറോളം പ്ലാസ്റ്റിക് കുപ്പികളിൽ പടയാളിമത്സ്യങ്ങളെ വളർത്തുന്നു.