പെറ്റ് പാർക്ക് അരുമകളുടെ പുതുലോകം

പഴങ്ങളും പക്ഷികളും മൃഗങ്ങളുമെല്ലാം ചേർന്ന് വേറിട്ടൊരു ഫാം ടൂറിസം

- 

കോവിഡ്കാലത്ത മറ്റു പല സംരംഭങ്ങളും നഷ്ടം നേരിട്ടപ്പോൾ നേട്ടമുണ്ടാക്കിയവരാണ് പെറ്റ് സംരംഭകർ. കോവിഡ് കഴിഞ്ഞപ്പോൾ ഏറ്റവും തളർച്ചയുണ്ടായതും അവർക്കുതന്നെ. കോവിഡ് കാലത്തെ ഡിമാൻഡ് കണ്ട് ഉൽപാദനം വർധിപ്പിച്ചതും ആവേശത്തോടെ വാങ്ങി വളർത്തിയവർ ജോലിക്കു പോയിത്തുടങ്ങിയതോടെ വിറ്റൊഴിവാക്കിയതുമാണ് പെറ്റ്സ് സംരംഭത്തിനു തിരിച്ചടിയായത്.

എന്നാൽ, പ്രതിസന്ധികളിൽ നിന്നാണ് പുതിയ ആശയങ്ങൾ പിറക്കുന്നതെന്ന ലോകസത്യം ഇപ്പോൾ ഈ മേഖലയ്ക്കും ഇണങ്ങും. സ്വകാര്യ പെറ്റ്സ് പാർക്ക് എന്ന ആശയം പ്രചാരം നേടുന്നത് മുൻപറഞ്ഞ പ്രതിസന്ധിയിൽ നിന്നാണ്.

3-4 കൊല്ലത്തിനിടെ ഒട്ടേറെ പെറ്റ്സ് പാർക്കുകൾ ഉയർന്നു വന്നു. അരുമപ്പക്ഷി-മൃഗങ്ങളുടെ വിപുലമായ ശേഖരമുണ്ടായിരുന്ന ചില ചെറുപ്പക്കാർ പുതിയ വരുമാനസാധ്യത എന്ന നിലയ്ക്കാണ് അവയുടെ പ്രദർശന സൗകര്യം കൂടി ഒരുക്കി ടൂറിസം സാധ്യതകളിലേക്കു ചുവടുവച്ചത്. ചെറിയ പെറ്റ് പാർക്കുകൾക്കു കിട്ടിയ സ്വീകാര്യതയും വരുമാനവും ഈ രംഗത്തു മുതലിറക്കാൻ പുതു സംരംഭകർക്കും പ്രേരണയായി.