നായ്ക്കളെ വളർത്താം നിയമങ്ങൾ പാലിച്ച്

തദ്ദേശ സ്വയംഭരണ സ്ഥാപനത്തിൽനിന്ന് ലൈസൻസ് എടുക്കണം

- ഡോ. ആർ. വേണുഗോപാൽ

?വീട്ടിൽ നായ്ക്കളെ വളർത്തുന്നതിന് എന്തെങ്കിലും നിയമങ്ങൾ പാലിക്കേണ്ടതുണ്ടോ.

• ഉണ്ട്. വളർത്തുനായ്ക്കൾക്ക് എല്ലാ വർഷവും പേവിഷ പ്രതിരോധ കുത്തിവയ്പ് നൽകിയിരിക്കണം. വാക്സിനേഷൻ സർട്ടിഫിക്കറ്റിന്റെ അടിസ്ഥാനത്തിൽ അതതു തദ്ദേശ സ്വയംഭരണ സ്ഥാപനങ്ങളിൽനിന്ന് ലൈസൻസ് എടുക്കണം. ഇത് ഓരോ വർഷവും പുതുക്കുകയും വേണം.

? നായയെ വളർത്തുമ്പോൾ പൊതുജനങ്ങൾക്ക് ബുദ്ധിമുട്ട് ഉണ്ടാകുന്നതു തടയാൻ നിയമമുണ്ടോ.

• ഉണ്ട്. പൊതുജന സുരക്ഷയ്ക്ക് ഭീഷണിയാകും വിധം ഉത്തരവാദിത്തമില്ലാതെയുള്ള നായവളർത്തൽ 2024 ഭാരതീയ ന്യായസംഹിതയിലെ സെക്ഷൻ 291 പ്രകാരം 6 മാസം തടവും 5000 രൂപ പിഴയും ലഭിക്കാവുന്ന കുറ്റമാണ്.

? നായ്ക്കളെ ഫ്ലാറ്റിൽ വളർത്താമോ.

• വളർത്താം. പക്ഷേ, മറ്റുള്ളവർക്ക് അസൗകര്യമുണ്ടാകാത്ത വിധത്തിൽ വേണം ഫ്ലാറ്റിൽ നായ്ക്കളെ വളർത്താനെന്ന് കേരള ഹൈക്കോടതി 2021ൽ വിധിച്ചിട്ടുണ്ട്.