കിഴങ്ങുവിളകൾക്കും പുതുസാധ്യതകൾ

കാലാവസ്ഥമാറ്റത്തെ അതിജീവിക്കാൻ കിഴങ്ങുവിളകൾക്കു കഴിവേറും

-  ഡോ. പി. പ്രകാശ്, ഡോ. ഡി, ജഗന്നാഥൻ, ഡോ. ഷീല ഇമ്മാനുവേൽ, ഡോ. ജി. ബൈജു

കാലാവസ്ഥാവ്യതിയാനത്തെ അതിജീവിക്കാനുള്ള ശേഷിയും ജൈവകൃഷിപോലുള്ള കാലാവസ്ഥാ അനുരൂപനരീതികളും കിഴങ്ങുവിളകളുടെ ആനുകാലിക പ്രാധാന്യം വർധിപ്പിക്കുന്നു. വൃക്ഷവിള അധിഷ്ഠിത കൃഷി യാണ് ഇവിടെയുള്ളതെന്നതും കിഴങ്ങുവിളകളെല്ലാം ഇട വിളക്കൃഷിക്കു യോജ്യമാണെന്നതും മറ്റൊരു സാധ്യത യാണ്. കേന്ദ്ര കിഴങ്ങുവിള ഗവേഷണ സ്ഥാപനം (സിടി സിആർഐ) പുറത്തിറക്കിയ ഇനങ്ങൾ വൈറ്റമിനുകൾ, നിരോക്സീകാരികൾ, ധാതുക്കൾ തുടങ്ങി പല പോഷ കപദാർഥങ്ങളുടെയും സമ്പുഷ്ട സ്രോതസ്സാണ്. വിവിധ ആവശ്യങ്ങൾക്കും കാർഷിക ആവാസയൂണിറ്റുകൾക്കും യോജിച്ച 75 കിഴങ്ങുവിള ഇനങ്ങൾ സിടിസിആർഐ കർഷകരിലെത്തിച്ചിട്ടുണ്ട്.

സംസ്ഥാനത്ത് മറ്റു വിളകളെക്കാൾ അറ്റാദായം കിഴങ്ങുവിളകൾക്കു ലഭിക്കുന്നുണ്ട്. ഏറ്റവും ആദായം ചേനകൃഷിയിലാണ്.