സ്ഥിരനിക്ഷേപമാക്കാം സുഗന്ധവിളക്കൃഷി

കുരുമുളകിനും ജാതിക്കും ശുഭസൂചന

- ലിജോ തോമസ്, സി.ജി.ശ്രീനാഥ്

കേരളത്തിലെ സാഹചര്യങ്ങളിൽ വരും വർഷങ്ങളിലും വരുമാനം ഉറപ്പുവരുത്താവുന്ന മേഖലയാണ് സുഗന്ധവ്യഞ്ജനകൃഷി. ശരിയായ പരിചരണം നൽകിയാൽ ഇവ ദീർഘകാലത്തേക്ക് കർഷകനു മുതൽ കുരുമുളക്: വർധിച്ചുവരുന്ന ആഭ്യന്തര ഉപഭോഗത്തിനും വ്യാവസായികാവശ്യങ്ങൾക്കുമനുസരിച്ച് ഉൽപാദനം കൂടാത്തതുമൂലം കുരുമുളക് ഇറക്കുമതി ചെയ്യേണ്ട അവസ്ഥയിലാണ് ഇന്ത്യ. വള്ളി പിടിച്ചുകഴിഞ്ഞാൽ 2 വർഷം കൊണ്ടു വിളവെടുക്കാവുന്ന കുരുമുളക് ദീർഘകാലത്തേക്ക് ആദായം നൽകും. പ്രാരംഭത്തിലെ ചെലവൊഴിച്ചാൽ പിന്നീടു പരിചരണത്തിനും മറ്റും വലിയ ചെലവില്ല. വർഷാവർഷം വിലയിൽ ഏറ്റക്കുറവുണ്ടെങ്കിലും, ഉൽപാദനച്ചെലവിലും താഴെ വില പോകുന്നത് വിരളം. 6-7 വർഷത്തെ ഇടവേളയിൽ കിലോയ്ക്ക് ശരാശരി 700 രൂപവരെ വില ഉയരുന്ന പ്രവണതയും കാണുന്നു.