കരുവാരക്കുണ്ടിലെ പഴങ്ങളുടെ പറുദീസ

വിജയന്റെ തോട്ടത്തിൽ വൻ പഴവർഗശേഖരം, ആണ്ടുവട്ടം പഴങ്ങൾ

- 

മലപ്പുറം കരുവാരക്കുണ്ട് മഞ്ചേരിപ്പറമ്പിൽ വിജയൻ 22 വർഷം മുൻപ് പഴവർഗങ്ങൾ ശേഖരിച്ചു തുടങ്ങുമ്പോൾ കേരളത്തിൽ വിദേശ പഴങ്ങളുടെ കൃഷി ട്രെൻഡായി മാറിയിരുന്നില്ല. വ്യത്യസ്ത ഇനം പഴങ്ങൾ കഴിക്കാനുള്ള ഇഷ്ടം മൂലം അവയുടെ തൈകൾ ശേഖരിച്ചു നടുകയായിരുന്നു വിജയൻ. വീട്ടുവളപ്പിലും കൃഷിയിടത്തിലുമൊക്കെ ഇപ്പോൾ ഫലവർഗങ്ങളാണേറെ. നാടനും വിദേശിയുമായി നൂറ്റൻപതോളം പഴവർഗങ്ങളുടെ ഉടമയാണ് അദ്ദേഹം. ബർമീസ് ഗ്രേപ് മുതൽ പാക്കിസ്ഥാൻ മൾബറി വരെ, ആഫ്രിക്കൻ പിസ്ത മുതൽ ഓസ്ട്രേലിയൻ ചെറി വരെ, ഷുഗർ ആപ്പിൾ മുതൽ അസായ് ബെറി വരെ ഇക്കൂട്ടത്തിലുണ്ട്. കരുവാരക്കുണ്ടിലെ കാലാവസ്ഥയിൽ ഏറക്കുറെ എല്ലാ പഴവർഗങ്ങളും നല്ല രീതിയിൽ ഉൽപാദനം നൽകുന്നുമുണ്ട്. ഇത്രയധികം പഴവർഗങ്ങളുള്ളതിനാൽ ആണ്ടിൽ 12 മാസവും ഏതെങ്കിലും ഒരു പഴം വിളവെടുക്കാനുണ്ടാകും. വിജയൻ പറഞ്ഞു.