ഇളനീർരുചിയുള്ള അബിയു വിപണി

കുരു പാകി കൃഷിചെയ്യാം

- 

നല്ല കരിക്കിന്റെ കാമ്പ് അൽപം മധുരം ചേർത്തു കഴിച്ചാലോ? ഏറക്കുറെ അതേ രുചിയാണ് അബിയു പഴത്തിനും. കരിക്കിൽ നിന്നു കിട്ടുന്നതിനൊപ്പമോ അതിലേ റെയോ കാമ്പുണ്ടെന്ന മെച്ചവുമുണ്ട്. കാമ്പിന് മാർദവവും കൂടുതലാണ്. കേരളത്തിൽ അടുത്ത കാലത്ത് വ്യാപ കമായ ഈ പഴം സ്വന്തം കൃഷിയിടത്തിൽ വിളവെടുത്ത സന്തോഷത്തിലാണ് തൊടുപുഴ കുടയത്തൂർ സ്വദേശി വി.എൻ. ഹരിദാസ്.

വീടിനു സമീപത്തെ രണ്ടേക്കർ കൃഷിയിടമാകെ തെങ്ങും ഫലവൃക്ഷങ്ങളും കൊണ്ടു നിറച്ചിരിക്കുകയാണ് അദ്ദേഹം. വേണ്ടത്ര ഇടയകലം നൽകി ഒന്നാംതരം തോട്ടമൊരുക്കിയിരിക്കുന്നു. 5 വർഷം മുൻപു നട്ട 43 ഇനം ഫല വൃക്ഷങ്ങളിൽ ആദ്യം ആദായം നൽകിത്തുടങ്ങിയത് റംബുട്ടാനാണ്. വാണിജ്യാടിസ്ഥാനത്തിൽ കൂടുതൽ കൃഷി ചെയ്തിരിക്കുന്നതും അതുതന്നെ. ആകെ 45 റംബുട്ടാൻ മരങ്ങളാണ് ഇവിടെയുള്ളത്.