പട്ടു റൗക്കയിട്ട വെള്ളരിക്ക

കൃഷിവിചാരം

- കെ.ആർ. പ്രമോദ് ഫോൺ: 9447809631 ഇ- മെയിൽ: [e-mail]

ചീരയും വെണ്ടയും വഴുതനേം കുമ്പളോ മത്തനും പടവലോം കറിവേപ്പിലേമൊക്കെ വിളയുന്ന ഒരു പൂങ്കാവനമാണെന്റെ സ്വപ്നം.' എന്നു പറയുന്ന കൃഷി ഓഫിസറെ ഓർമയില്ലേ? "സന്ദേശമെന്ന സത്യൻ അന്തിക്കാട് സിനിമയിലെ "മണ്ണ് ഉദയഭാനു.

പറമ്പിലെ മണ്ണ് കയ്യിലെടുത്തു വായിലേക്കേറിഞ്ഞ് രുചിച്ചു നോക്കി മൂപ്പർ തട്ടിമൂളിക്കുന്നത് ഇങ്ങനെ: “നൈട്രജൻ കുറവാണ് ...യൂറിയയും വേണ്ടിവരും!''

ഇത്തരമൊരുകൂട്ടം ഉശിരൻ കൃഷി ഓഫിസർമാർ ഇവിടെയുണ്ടായിരുന്നെങ്കിൽ തമിഴ്നാട്ടിലെ വിഷപ്പച്ചക്കറികളോട് നമുക്കു പണ്ടേ ഗുഡ്ബൈ പറയാമായിരുന്നു!

‘കയ്പവല്ലരി’യുടെ മധുരം

 മഹാകവി ജി.ശങ്കരക്കുറപ്പ് എറണാകുളത്തെ വാടകവീട്ടിൽ താമസിച്ചിരുന്ന കാലം. അദ്ദേഹത്തിന്റെ കോളജ് അധ്യാപക ജീവിതത്തിന്റെ ആരംഭഘട്ടമാണ്.

വീട്ടുമുറ്റത്ത് ഒരു പന്തലിട്ട് അൽപം പാവൽ കൃഷിയൊക്കെ ചെയ്യുന്നുണ്ട്. കുറുപ്പു മാസ്റ്റർ തന്റെ പാവൽ വള്ളികൾക്ക് വെള്ളമൊഴിക്കുന്ന സമയത്തു മഹാകവി വൈലോപ്പിള്ളി അവിടെ വരാനിടയായി.