"ഈറ്റ് ആൻഡ് സേ ചീസ് കസാറോ കസറുന്നു

മൊസറല്ല, പർമേസൻ, ഗൗഡ, ബുറാറ്റ വൈവിധ്യമേറിയ ചിസും ചിസ് ഉൽപന്നങ്ങളുമായി യുവ സംരംഭക

- 

പാൽക്കട്ടിയിലൂടെ എങ്ങനെ പണമുണ്ടാക്കുമെന്ന പാലത്തിങ്ങൽ വീട്ടിലെ പാൽക്കട്ടി നിർമാണം കണ്ടാൽ മതി. ഗൃഹനാഥയായ അനു ജോസഫും കസിൻ ഡി ജോർജും ചേർന്നാണ് സംരംഭം നടത്തുന്നത്. സഹായികളായി 8 വനിതകളുമുണ്ട്.

നാലു വർഷം മുൻപ് അമേരിക്കയിൽ സൗത്ത് കരോലിനയിലായിരുന്നപ്പോൾ സഹോദരിയെ കാണാൻ ഇന്ത്യാ നാപ്പോളീസിൽ പോയപ്പോഴാണ് അനു ചീസ് നിർമാണം പരിചയപ്പെട്ടത്. അവിടെ ഒട്ടേറെ ചീസ്, വൈൻ ടേസ്റ്റിങ് കേന്ദ്രങ്ങൾ സന്ദർശിച്ചു. ഒട്ടേറെ ചീസ് ഉൽപാദകരെ പരിചയപ്പെടാനും നിർമാണരീതികൾ പഠിക്കാനും കഴിഞ്ഞു. പി ന്നീട് അമേരിക്ക വിട്ട് നാട്ടിലെത്തിയപ്പോഴാണ് ഇതിലൊരു സംരംഭസാധ്യതയുണ്ടല്ലോയെന്നു ചിന്തിച്ചത്. ജർമനിയിലായിരുന്ന ഫ്രെഡിയുടെ പ്രോത്സാഹനവും കൂടിയായപ്പോൾ ബയോ മെഡിക്കൽ എൻജിനീയറിങ് ബിരുദധാരിയായ അനു സംരംഭകയുടെ കുപ്പായമണിഞ്ഞു.

പരീക്ഷണമെന്നവണ്ണം വീട്ടിൽ തന്നെ ചീസ് ഉണ്ടാക്കി ത്തുടങ്ങി. വിദേശത്തു നിന്ന് ഇനോക്കുലം കൊണ്ടുവന്നിരുന്നു. ബന്ധുക്കളും മിത്രങ്ങളുമൊക്കെ മികച്ച അഭിപ്രായം പറഞ്ഞതോടെ ആത്മവിശ്വാസമായി. തൊട്ടടുത്ത വർഷം വാണിജ്യ ഉൽപാദനത്തിലേക്കു കടന്നു.

"സേ ചീസ്'എന്നു ഫൊട്ടോ സ്റ്റുഡിയോയിൽ കേട്ടുള്ള പരിചയം മാത്രമാണ് പണ്ടൊക്കെ മലയാളിക്ക് ചീസിനെക്കുറിച്ചുണ്ടായിരുന്നത്. കേരളത്തിലെ ക്ഷീരവ്യവസായത്തിൽ ചീസിനു കാര്യമായ സ്ഥാനമില്ല. ഐസ്ക്രീമും ബട്ടറും പനീറും പേടയുമൊക്കെ വിഹരിക്കുന്ന ഇവിടുത്തെ ക്ഷീരോൽപന്ന വിപണിയിൽ പ്രീമിയം ചീസ് ഉൽപന്നങ്ങളുമായി നാടിന്റെയാകെ ശ്രദ്ധ നേടുകയാണ് അനുവിന്റെ കസാറോ ക്രീമറി.

പാലിലെ ഖരപദാർഥങ്ങൾ സവിശേഷ സംസ്കരണ പ്രക്രിയയിലൂടെ രൂപപ്പെടുത്തുന്ന പാൽക്കട്ടിയാണ് ചീസ് എന്നു മാത്രമാണ് നമുക്ക് പൊതുവേ അറിയാവുന്നത്. വിവിധതരം പാൽക്കട്ടികൾ പരിചയപ്പെടുത്താനും മികച്ച നിലവാരത്തിൽ ലഭ്യമാക്കാനും ശ്രമിക്കുന്ന അനുവിന്റെ ചീസ് വിശേഷങ്ങൾ അറിയാം.

നിർമാണം