ആരോഗ്യരക്ഷയ്ക്ക് പേരയ്ക്കാച്ചായ

വേറിട്ട ഉൽപന്നങ്ങളുമായി പാലക്കാട് പെരുമാട്ടിയിലെ കേരചിറ്റൂർ ഫാർമേഴ്സ് പ്രൊഡ്യൂസർ കമ്പനി

- ജെ. ജോസഫ്

ചായകുടി നിർത്തിയ ഒട്ടേറെപ്പേരുണ്ട് നമ്മുടെ നാട്ടിൽ. ഉന്മേഷത്തിനും ആരോഗ്യത്തിനും ദിവസം ഒന്നോ രണ്ടോ ചായ ഗുണം ചെയ്യുമെങ്കിലും എണ്ണം കൂടുന്നത് അത്ര നല്ലതല്ല എന്നു പഠനങ്ങൾ. തലവേദനയും ഉറക്കക്കുറവും മുതൽ ഗുരുതരമായ രോഗങ്ങൾക്കുവരെ കടുത്ത ചായപ്രേമം വഴിവച്ചേക്കാം. ഇതു മുന്നിൽക്കണ്ട് ചെമ്പരത്തിച്ചായ, ശംഖുപുഷ്പം ചായ, മുരിങ്ങച്ചായ തുടങ്ങി ആരോഗ്യച്ചായകൾ പലതുണ്ട് വിപണിയിൽ. പലതും വൻകിട ബ്രാൻഡുകൾ വിപണിയിലെത്തിക്കുന്നവ. തേയിലച്ചായയുടെ രുചിയും മണവും ലഹരിയുമൊന്നും ഇത്തരം ബദൽ ചായകൾക്കു പ്രതീക്ഷിക്കരുത്. രുചിയും മണവുമല്ല ആരോഗ്യ സംരക്ഷണമാണ് ഇത്തരം ചായകളുടെ ലക്ഷ്യം.