ആറാം മാസം ആദായം

സ്ഥിരതയുള്ള വിപണി നേടി പാഷൻഫ്രൂട്ട്

- 

വാഴകൃഷിയുടെ നഷ്ടം നികത്താൻ പെട്ടെന്നു വരുമാനം കയ്യിലെത്തുന്ന എന്തുണ്ട് എന്ന അന്വേഷണമാണ് ഇടുക്കി ജില്ലയിൽ ഉടുബന്നൂരിനടുത്ത് കരിമണ്ണൂർ പതിയിൽ മേജോ ജോസഫിനെ പാഷൻ ഫ്രൂട്ട് കൃഷിയിലെത്തിച്ചത്. ഒരുമിച്ചൊരു വരുമാനം ലക്ഷ്യമിട്ട് തുടങ്ങിയ വാഴ കൃഷി നഷ്ടത്തിലാക്കിയത് പ്രകൃതി ക്ഷോഭം. 2 വർഷം മുൻപു തുടങ്ങിയ രണ്ടര ഏക്കർ പാഷൻ ഫ്രൂട്ട് കൃഷിയാകട്ടെ, ആഴ്ചതോറും വരുമാനം നൽകുന്ന ആദായക്കൃഷിയെന്നു മേജോ. കഴിഞ്ഞ ഒരു വർഷമായി മുടങ്ങാതെ വിളവെടുപ്പും വില്പനയും നടക്കുന്നു.