അങ്കിളിൽ നിന്നും സാറിലേക്ക്

“മലയാളസിനിമയിൽ അദ്ദേഹത്തിന്റെ സ്ഥാനമെന്താണെന്ന് മനസ്സിലാക്കിയപ്പോൾ ബഹുമാനം കൂടി മേനക

മലയാളസിനിമയിൽ സജീവമാകുന്ന കാലത്താണ് ശ്രീകുമാരൻതമ്പിസാറിനെ ഞാൻ പരിചയപ്പെടുന്നത്. അദ്ദേഹത്തിന്റെ മൂന്ന് സിനിമകളിൽ അഭിനയിച്ചു. മുന്നേറ്റം', 'യുവജനോത്സവം', 'അമ്മേ ഭഗവതി... അദ്ദേഹം ഒരു സംസാരപ്രിയനാണ്. ഏറെനേരം സംസാരിക്കും. മനസ്സിലുള്ളത് അതുപോലെ തുറന്നുപറയും. ഒന്നും മറച്ചു വെയ്ക്കില്ല.

“മുന്നേറ്റത്തിൽ മമ്മൂക്കയ്ക്കും രതീഷേട്ടനുമൊപ്പം അവരുടെ നായികയായിട്ടാണ് അഭിനയിച്ചത്. ആ ചിത്രത്തിൽ മമ്മൂക്ക നായകനും രതീഷ് പ്രതിനായകനുമായിരുന്നു. തമിഴ് സിനിമ ഭുവന ഒരു കേൾ വിക്കുറി'യുടെ റീമേക്കായിരുന്നു മുന്നേറ്റം. കഥ കേട്ടപ്പോൾ ഞാനത് അദ്ദേഹത്തോട് ചോദിക്കുകയും ചെയ്തിരുന്നു. ഏറെ അഭിനയസാധ്യതയുള്ള കഥാപാത്രമായിരുന്നു എന്റെത്.