തരംഗം മുതൽ ലോക വരെ

തരംഗം മുതൽ ശരത് സഭ മലയാള സിനിമയുടെ ഒപ്പമുണ്ട്. അരുൺ ഡൊമിനിക് സംവിധാനം ചെയ്ത ഏറ്റവും പുതിയ ചിത്രം ലോക ചാപ്റ്റർ 1 ചന്ദ്രയിലെ കന്നഡ വില്ലനായി ശരത് തിളങ്ങി. സിനിമാജീവിതവഴികളെക്കുറിച്ച് ശരത് സഭ സംസാരിക്കുന്നു.

- നിരഞ്ജന ഇന്ദു

ഏറ്റവും പുതിയ ചിത്രത്തെക്കുറിച്ച്

നൗഫൽ അബ്ദുള്ള സംവിധാനം ചെയ്യുന്ന നെല്ലിക്കാംപൊയിൽ നൈറ്റ് റൈഡേഴ്സ് എന്ന ചിത്രമാണ് എന്റേ തായി ഇനി റിലീസിനെത്തിയ ചിത്രം.

കേരളത്തിന്റെയും തമിഴ്നാടിന്റെയും അതിർത്തിയായ ഒരു സാങ്കൽപ്പിക ഗ്രാമമായ നെല്ലിക്കാപൊയിലും അവിടെയുള്ള മനുഷ്യരുടെയും കഥയാണ് നെല്ലിക്കാം പൊയിൽ നൈറ്റ് റൈഡേഴ്സ്. മാത്യുതോ മസ്, റോഷൻ ഷാനവാസ്, വിഷ്ണു അഗ സ്ത്യ, അബുസലിം, റോണി, മീനാക്ഷി തുടങ്ങി വലിയൊരു താരനിര തന്നെ നെല്ലിക്കാംപൊയിൽ നൈറ്റ് റൈഡേ ഴ്സിൽ അണിനിരക്കുന്നുണ്ട്. സാധാരണക്കാരനായ, ഓട്ടോ ഓടിച്ചു ജീവിക്കുന്ന രാജേഷ് എന്ന കഥാപാത്രമാണ് ചിത്രത്തിൽ ഞാൻ അവതരിപ്പിക്കുന്നത്.

തരംഗമായിരുന്നല്ലോ തുടക്കം

എനിക്കൊരു ക്യാരക്ടർ വേഷം തന്ന് കൊമേഴ്സ്യൽ സിനിമയിൽ എന്നെ പരിചയപ്പെടുത്തുന്നത് ഡൊമിനിക് ആണ്. എട്ടു വർഷങ്ങൾക്കുശേഷം അതേ സംവിധായകൻ രണ്ടാമത്തെ സിനിമയുമായി എത്തുമ്പോൾ അതുവരെ ഞാൻ ചെയ്തുവന്ന ഹ്യൂമർ വേഷങ്ങളെയും അടുത്ത വീട്ടിലെ ചെറുപ്പക്കാരൻ എന്ന് തോന്നിപ്പിക്കുന്ന വേഷങ്ങളെയും ബ്രേക്ക് ചെയ്യുന്ന വേഷമാണ് സുന്ദർ. അജിത്ത് മാമ്പുള്ളി സംവിധാനം ചെയ്ത കൊണ്ടൽ എന്ന ചിത്രത്തിൽ നെഗറ്റീവ് ഷെയ്ഡുള്ള വേഷം ചെയ്തിട്ടുണ്ടെങ്കിലും അത് പ്രേക്ഷകരിലേക്ക് എത്തിയില്ല. ലോകയിലൂടെയാണ് അത് കൂടുതൽ പേരിലേക്ക് എത്തുന്നത്.