അമ്മ മനസ്സ്, തങ്കമനസ്സ്

കൊല്ലം മേയർ ഹണി ബഞ്ചമിന്റെ ജീവിതവഴിയിലൂടെ...

- പി. ജയചന്ദ്രൻ

ഒരിടത്തൊരിടത്ത് ഒരു അച്ഛനും അമ്മയും. അച്ഛന്റെ പേര് വർഗ്ഗീസ്. അമ്മയുടെ പേര് റജീനാവർഗ്ഗീസ്. കൊല്ലത്തെ തൊഴിലാളിവർഗ്ഗ ചരിത്രത്തിൽ, എന്നെന്നും ഓർമ്മിക്കപ്പെടേണ്ട ഒരു പാട് ഏടുകൾ എഴുതിച്ചേർത്ത പാർവ്വതി മില്ലിലെ ജീവനക്കാരനായിരുന്നു വർഗ്ഗീസ്. റജീന വീട്ടമ്മയും. സി.പി.ഐ എന്ന ഇൻഡ്യൻ കമ്മ്യൂണിസ്റ്റ് പാർട്ടിക്ക് വർഗ്ഗീസും റജീനയും നൽകിയ സംഭാവനകൾ അത്ര നിസ്സാരമല്ല. പാർവ്വതി മില്ലിലെ എ.ഐ.ടി.യു.സി യൂണിയ നിലെ അടിയുറച്ച ഒരംഗമായിരുന്നു വർഗ്ഗീസ്. റജീന ആ പാർട്ടിയുടെ അടിയുറച്ച മഹിളാവി ഭാഗം പ്രവർത്തകയും. ഇവർക്ക് മക്കൾ പന്ത്രണ്ടുപേർ. എട്ട് ആണും നാല് പെണ്ണും. അച്ഛന്റേയും അമ്മയുടേയും കറതീർന്ന രാഷ്ട്രീയ പ്രവർത്തനം കണ്ടും കേട്ടും വളർന്നതു കൊണ്ടായിരിക്കാം മക്കൾ പന്ത്രണ്ടുപേരിൽ ആരും വഴിതെറ്റി സഞ്ചരിച്ചില്ല. അവരും സഞ്ചരിച്ചത് അച്ഛന്റേയും അമ്മയുടേയും അതേവഴിയിലൂടെ. അങ്ങനെ ആ പന്ത്രണ്ട് പേരും കറതീർന്ന സി.പി.ഐക്കാരായി. കൂട്ടത്തിൽ രണ്ട് പെൺമക്കൾ മാത്രം അത്ര സജീവമല്ലെന്നേയുള്ളൂ. വിശ്വാസത്തിൽ അവരും സി.പി.ഐക്കാർ. ഇവരുടെയൊക്കെ മക്കളും കൊച്ചുമക്കളുമൊക്കെ വിശ്വാസം കൊണ്ട് പാരമ്പര്യം പിൻതുടരുന്നവർ. ഈ പന്ത്രണ്ട് മക്കളിൽ ഒരാൾ പാർട്ടിയുടെ ലോക്കൽ സെക്രട്ടറിയും, സപ്ലൈകോയിലെ യൂണിയൻ ട്രഷററുമൊക്കെയാണ്.

കൂട്ടത്തിൽ ഏറ്റവും ഇളയമകൾ- പന്ത്രണ്ടാമത്തെ മകൾ- കൊല്ലത്ത് ആശ്രാമം കാവടിപ്പുറം ഭാഗത്ത് സാന്ദ്രാഡെയിലിലാണ് താമസം. ആർ.എം.എസ് ജീവനക്കാരനായിരുന്ന ഭർത്താവ് ബഞ്ചമിനും, മക്കൾ ഡോ. ഹാമിൻ ജെ. ബഞ്ചമിനും സാന്ദ്ര ജെ. ബഞ്ചമിനും ഒപ്പം.

കാവടിപ്പുറത്തെ സാന്ദ്രാഡെയിൽ എന്ന ഈ വീടിന് ഒരു പ്രത്യേകതയുണ്ട്. കൊല്ലം കോർപ്പറേഷന്റെ മേയർ എന്ന ബോർഡുവച്ച കാർ ഇത് മൂന്നാം പ്രാവശ്യമാണ് വർഗ്ഗീസിന്റെയും റജീനയുടെയും മകളെ വിളിക്കുവാൻ സാന്ദ്രാ ഡെയിലിന്റെ മുറ്റത്തെത്തുന്നത്. കാരണം, കർത്താവിൽ നിദ്ര പ്രാപിച്ച വർഗ്ഗീസിന്റെയും റജീനയുടേയും പന്ത്രണ്ടാമത്തെ മകൾ റാണി ബഞ്ചമിൻ കൊല്ലത്തിന്റെ ആരാധ്യയായ മേയറാണ്. നഗരത്തിന്റെ താക്കോൽ സൂക്ഷിപ്പുകാരി.

ബാലവേദിയിലൂടെ വന്ന്, വിദ്യാർത്ഥി രാഷ്ട്രീയത്തിലൂടെ സജീവരാഷ്ട്രീയത്തിലേക്ക് കടന്ന ഹണി ബഞ്ചമിൻ നിലവിൽ സി.പി.ഐയുടെ വനിതാവിഭാഗമായ കേരള മഹിളാസംഘത്തിന്റെ സംസ്ഥാന വൈസ് പ്രസിഡന്റ് കൂടിയാണ്.

നാലുപ്രാവശ്യം കൗൺസിലർ. മൂന്നുപ്രാവശ്യം മേയർ