സോറി അല്ലാത്ത സോറി ടീം

അരങ്ങിലും അണിയറയിലും അറുപതോളം പുതുമുഖങ്ങളെ നിറച്ചൊരു സിനിമ, അതാണ് അക്ഷയ് ചന്ദ്രശോഭ അശോക് ഒരുക്കിയ സോറി. ചുരുങ്ങിയ ബഡ്ജറ്റിൽ ഒരുക്കിയ സോറി ഇന്റർനാഷണൽ വേദി കളിൽ തിളങ്ങി. അരോമൽ ദേവരാജ് ചിത്രത്തിൽ പ്രധാന വേഷത്തിലെത്തി. കണ്ട വാല്യൂവുളള സിനിമകൾക്ക് ഇവിടെ സ്പേസ് ഉണ്ടെന്ന് ഒരിക്കൽ കൂടി തെളിയിച്ചിരിക്കുകയാണ് സോറി ടീം. ചിത്ര ത്തിന് കിട്ടിയ സ്വീകാര്യതയിൽ സന്തോഷം അറിയിച്ചു കൊണ്ട് സംവിധായകൻ അക്ഷയ് ചന്ദ്രശോഭ അശോക് സംസാരിക്കുന്നു.

- നിരഞ്ജന ഇന്ദു

ഒടിടി റിലീസിനു ശേഷം സോറിക്ക് കിട്ടിയ സ്വീകാര്യത?

സോറി റിലീസായതിനുശേഷം ഞങ്ങൾ വിചാരിച്ചതിനേക്കാൾ പ്രേക്ഷകരിലേക്ക് അത് എത്തുകയും കണ്ടവർ സോറിയെക്കുറിച്ച് സംസാരിക്കുകയും ഒപ്പമുള്ളവരോട് കാണാൻ സജസ്റ്റ് ചെയ്യുകയും ചെയ്തു. ഒപ്പം സോഷ്യൽ മീഡിയയിൽ സോറിയെക്കുറിച്ച് എഴുതുകയും ചെയ്യുന്നത് കണ്ടപ്പോൾ സന്തോഷം തോന്നി. അതുകൊണ്ടുതന്നെ സോറി ഉദ്ദേശിച്ച രാഷ്ട്രീയം കണ്ടവർക്ക് മനസ്സിലാവുകയും കണക്ട് ചെയ്യുകയും ചെയ്തു. അതായിരുന്നു ഞങ്ങൾക്ക് കിട്ടിയ സന്തോഷം. അതിനൊപ്പം ബോഡി ഷെയ്മിങ്ങിന് ഇരയായവർ മാത്രമല്ല, ബോഡി ഷെയ്മിങ് ചെയ്തവർ സോറി കണ്ട്, തങ്ങളുടെ തെറ്റ് മനസ്സിലാക്കി അവർ ബോഡി ഷെയ്മിങ്ങിന് വിധേയരായവരോട് മാപ്പ് പറഞ്ഞു എന്നത് എന്നെ വിളിച്ചുപറഞ്ഞപ്പോൾ സന്തോഷം തോന്നി. ഒരു കലാകാരൻ എന്ന നിലയിൽ എന്റെയാണെങ്കിലും എന്റെ ടീമിന്റെയായാലും വലിയ നേട്ടമായി തോന്നി. സോറിയുടെ റിലീസിനു ശേഷം എന്റെ ചുറ്റും നിൽക്കുന്ന ആൾക്കാർക്ക് ഞാൻ എത്രത്തോളം സിനിമയെ ആത്മാർത്ഥമായി കാണുന്നുവെന്നത് തെളിയിക്കാൻ കഴിഞ്ഞു. എല്ലാ വരും അംഗീകരിക്കുകയും ചെയ്തു. അത് മുൻപോട്ടുള്ള സിനിമാ യാത്രയിൽ കരുത്താകും.