എന്നിലെ അഭിനേത്രി അനുഗ്രഹീതയാണ് പ്രിയങ്ക നായർ

ആക്ഷനും കട്ടിനും ഇടയിൽ ഈ ലോകത്തിലെ ഏറ്റവും വലിയ ആക്ടർ നമ്മളായിരിക്കും. നമ്മുടെ മുന്നിൽ നിൽക്കുന്നത് എത്ര വലിയ അഭിനേതാവാണെങ്കിലും ആക്ഷൻ പറഞ്ഞാൽ നമ്മളാകും ഈ ലോകത്തിലെ ഏറ്റവും ബെസ്റ്റ് ആക്ടർ. നമ്മൾ നമ്മുടെ നൂറുശതമാനം കൊടുക്കുക. ആ മൊമന്റ് നമ്മുടെ മാത്രമായിരിക്കും. ഇനി മറ്റൊരു ചാൻസില്ല എന്നതുകൊണ്ടുതന്നെ ആ മൊമന്റ് പൂർണ്ണതയിലേക്ക് എത്തിക്കുക. തിലകനെപ്പോലെ ഒരു മഹാനടനിൽ നിന്നുകേട്ട ഈ വാക്കുകൾ പ്രിയങ്ക എന്ന അഭിനേത്രിയുടെ മുന്നോട്ടുള്ള യാത്രയെ കൂടുതൽ മനോഹരമാക്കി ജനഗണമനയിലെ അനിതാനായരായും അന്താക്ഷരിയിലെ ചിത്രയായും ട്വിൽത്തമാനിലെ ആനിയായും തിളങ്ങി പ്രിയങ്കാ നായർ തന്റെ സിനിമ ജൈത്രയാത്ര തുടരുന്നു...

- ബിന്ദു. പി.പി

കൈ നിറയെ സിനിമകൾ ആണല്ലോ? 

എന്റെ കഥാപാത്രങ്ങൾക്ക് എന്തെങ്കിലുമൊക്കെ ചെയ്യാനുണ്ട് എന്ന് എനിക്ക് പൂർണ്ണ ബോധ്യമുണ്ടെങ്കിൽ മാത്രമേ ഞാൻ സിനിമകൾ തെരഞ്ഞെടുക്കാറുള്ളൂ. ട്വിൽത്തമാനിൽ ലാലേട്ടൻ കൂടാതെയുള്ള പതിനൊന്നിൽ ഒരാളാവാൻ ഭാഗ്യം ലഭിച്ചു. അതും ചിത്രത്തിലെ പ്രധാനപ്പെട്ട ഒരു വേഷം ചെയ്യാൻ കഴിഞ്ഞു.

അതിനുമുൻപ് ഒ.ടി.ടിയിൽ എത്തിയ അന്താക്ഷരിയിലെ ചിത്ര എന്ന കഥാപാത്രത്തിനും കഥയിൽ ഒരുപാട് ചെയ്യാനുണ്ടായിരുന്നു. ഞാൻ ഇതുവരെ ചെയ്യാത്ത ഒരു നഴ്സ് വേഷം. ജനഗണമനയിൽ അധികം സ്ക്രീൻ സ്പേസ് ഇല്ലായിരുന്നെങ്കിലും സുരാജേട്ടന്റെ ഭാര്യയുടെ കഥാപാത്രമായ അനിതാ നായർ ഇമോഷണലി സിനിമയുടെ തുടക്കം മുതൽ അവസാനം വരെയുണ്ട്.

ലാലേട്ടന്റെ കൂടെ വീണ്ടും അഭിനയിച്ചപ്പോൾ?