ഒളിംപ്യൻ ബ്രയൻ

ബൗദ്ധിക ഭിന്നശേഷിയുള്ള ബ്രയൻ ലബാൻ ജീവിതം മാറുന്നത് പതിനേഴാം വയസ്സുമുതലാണ്. കായികരംഗത്ത് ഒട്ടേറെ നേട്ടങ്ങൾ. രാജ്യാന്തര ഭിന്നശേഷി ഒളിംപിക്സിൽ വെള്ളിമെഡൽ... ബ്രയൻ ലബാനെക്കുറിച്ച് അമ്മ എഴുതുന്നു.

- ഡോറിസ് ലബാൻ

ജീവിതത്തിലെ വിതത്തിലെ ഏറ്റവും അവിസ്മരണീയമായ നിമിഷം ഏതാണെന്നു ചോദിച്ചാൽ ഒറ്റ ഉത്തരമേ എനിക്കുള്ളൂ. എട്ടു വർഷം മുൻപ് അമേരിക്കയിലെ ലൊസാഞ്ചലസിൽ വച്ചു നടന്ന ലോക ഭിന്നശേഷി കായികമത്സരത്തിൽ എന്റെ മകൻ ബ്രയൻ ലബാൻ വെള്ളിമെഡൽ നേടിയ ആ നിമിഷം. ഹാൻഡ് ബോൾ മത്സരത്തിലാണ് അവൻ മെഡൽ നേടിയത്. ജില്ലാതലത്തിലും സംസ്ഥാന - ദേശീയ തലത്തിലുമൊക്കെ നടന്ന കായികമത്സരങ്ങളിൽ വിജയിച്ചിട്ടുണ്ടെങ്കിലും ഈ രാജ്യാന്തര നേട്ടം അവനെപ്പോലൊരു കുട്ടിയെ സംബന്ധിച്ച് എത്ര വലുതാണ്. ഈ നേട്ടങ്ങളും സൗഭാഗ്യങ്ങളുമൊക്കെ അവനെ തേടിയെത്തിയതാവട്ടെ പതിനേഴ് വയസ്സിനു ശേഷവും.