പിന്നെയും പിന്നെയും ആരോ....

പാട്ടിൽ ഈ പാട്ടിൽ

- കമൽ

കൃഷ്ണഗുഡിയിൽ ഒരു പ്രണയകാലത്ത് എന്ന സിനിമയിലെ പാട്ടുകൾക്ക് ഈണം നൽകിയത് വിദ്യാസാഗറാണ്. "അഴകിയ രാവണൻ എന്ന ചിത്രത്തിലൂടെ അദ്ദേഹത്തെ മലയാളത്തിലേക്കു കൊണ്ടുവന്നതു ഞാനാണ്. ആ ചിത്രത്തിലെ എല്ലാ പാട്ടുകളും ഹിറ്റായി. അതിനുശേഷം ചെയ്ത “ഈ പുഴയും കടന്ന്' എന്ന ചിത്രത്തിലെ പാട്ടുകൾ ഒരുക്കിയത് ജോൺസൺ മാഷ് ആണ്. ആ സിനിമയിലാണ് ഗിരീഷ് പുത്തഞ്ചേരി എനിക്കു വേണ്ടി ആദ്യമായി പാട്ടെഴുതുന്നത്. അതിലെ പാട്ടുകളും ഹിറ്റായി. ആ സിനിമയ്ക്കു പാട്ടെഴുതാൻ വേണ്ടി ഞാൻ വിളിച്ചപ്പോൾ ഗിരീഷ്, "എന്റെ കയ്യിൽ പലതരത്തിലുള്ള പേനകളുണ്ട്. ചില സംവിധായകർക്കു വേണ്ടി ഞാൻ  സ്പെഷൽ പേന കരുതിവച്ചിട്ടുണ്ട്. വരികളെക്കുറിച്ചു നല്ല ധാരണയുള്ള സംവിധായകരുണ്ട്. അവർക്കു വേണ്ടിയാണ് ഈ പേന' എന്നു പറഞ്ഞ് അദ്ദേഹം ഒരു പേന കാണിച്ചു.