யார் தன்னை உருவாக்கினார்களோ அவர்களையே பணியைவிட்டு நீக்குகிறது AI

கிட்டத்தட்ட ஒரு லட்சத்துக்கும் அதிகமான தொழில்நுட்ப வேலைகள் நீக்கப்பட்டபோது இந்தத் கட்டுரை எழுதப்பட்டது.

- என்.ஆனந்தி

இந்தக் கட்டுரையை நீங்கள் படிக்கும்போது இந்த எண்ணிக்கை உயர்ந்திருக்கும் என்பதுதான் ஷாக் அடிக்கும் விஷயம். காரணம் AI.

இனிவரும் நாட்களில் ஏஐ பயன்பாட்டை இரண்டு மடங்காக உயர்த்த திட்டமிட்டுள்ளனர். இதனால் பணி இழப்பு வரும் நாட்களில் மேலும் அதிகரிக்கும் என்கிறார்கள்.

ஏஐ வருகை காரணமாக 2025ம் ஆண்டில் மட்டும் 1,00,000க்கும் அதிகமான தொழில்நுட்ப வேலைகள் நீக்கப்பட்டுள்ளன. இதில் மென்பொருள் பொறியியல் (Software Engineering) மற்றும் மனிதவள மேம்பாடு (Human Resource) துறைகளில்தான் அதிக வேலை இழப்புகள் ஏற்பட்டுள்ளதாக ஆய்வு தெரிவிக்கிறது.

தொழில்நுட்பத் துறையில் செயற்கை நுண்ணறிவின் தாக்கம் அதிகரித்து வருவதால், வேலை வாய்ப்புகள் குறைந்து வருவதாகத் தகவல்கள் தெரிவிக்கின்றன.

ஒரு காலத்தில் புதுமையின் பிறப்பிடமாகவும், நிலையான வேலை வாய்ப்புகளை வழங்கும் துறையாகவும் இருந்த தொழில்நுட்பத்துறை, தற்போது செயற்கை நுண்ணறிவால் பெரும் மாற்றத்தை சந்தித்து வருகிறது.

திறமையான நிபுணர்களின் இடத்தை செயற்கை நுண்ணறிவு ஆக்கிரமித்து வருவதால், ஆயிரக்கணக்கான ஊழியர்கள் வேலை இழந்து எதிர்காலம் குறித்த கவலையில் உள்ளனர்.