இந்தியாவின் சமத்துவ பூமி வேலூர்தான்!

வேலூர் என்றாலே முதலில் நினைவுக்கு வருவது 16ம் நூற்றாண்டில் பொம்மு நாயக்கரால் (விஜயநகர பேரரசு) கட்டப்பட்ட வேலூர் கோட்டையும், 1830ம் ஆண்டு கட்டப்பட்ட மத்திய சிறைச்சாலையும், கோடையில் 110 டிகிரி வெளுத்து வாங்கும் வெயிலும், உலக அளவில் கல்வியில் முன்னணியில் திகழும் விஐடியும்தான்.

- செந்தில்

ஆனால், தற்போது முக்கிய அம்சமாக, இந்தியாவின் சமூகநீதியை நிலைநாட்டும் வகையில் வேலூர் திகழ்கிறது என்றால் நம்ப முடிகிறதா? வேலூர் மாநகரத்தின் மையத்தில் இருப்பது உலகப் புகழ்பெற்ற விஐடி பல்கலைக்கழகமும், நூற்றாண்டைக் கடந்து மருத்துவ சேவையை ஆற்றி வரும் சிஎம்சி (கிறிஸ்டி யன் மெடிக்கல் காலேஜ்) மருத்துவமனையும்.

உலகத்தின் பல்வேறு நாடுகள் மற்றும் மாநிலங்களில் இருந்தும் விஐடி யுனிவர்சிட்டியில் தங்கி படித்து வருகின்றனர்.

ஒவ்வொரு ஆண்டும் ஜனவரி மாதத்தில் தங்கள் மாநில/நாடுகளின் பாரம்பரிய உடை அணிந்து வந்து கலாசார விழாவை நடத்துகிறார்கள். சிலர் தமிழரின் பாரம்பரிய உடையான வேட்டி, சட்டை அணிந்து வந்து கொண்டாடுவார்கள்.

இதுபோன்று பல்வேறு நாடு மற்றும் மாநிலங்களில் இருந்து உயர்தர சிகிச்சைக்காக சிஎம்சி மருத்துவக் கல்லூரி மருத்துவமனைக்கு படையெடுக்கின்றனர்.

இதனால் வேலூர் மாநகரத்தில் பல்வேறு இனம், மொழி பேசுபவர்கள் அதிகமாகத் தங்கியுள்ளனர். இவர்களை மனதில் வைத்து இங்கு வீடுகள் கூட மினி லாட்ஜாக மாறி உள்ளன. சிறிய வாடகை அறைகளுக்கு கடும் கிராக்கி. சிறிய ரூமுக்கு வாடகை குறைந்தது ரூ.3 ஆயிரம் என்கிறார்கள்.