இந்தியாவின் இளம் கமர்ஷியல்!

உலகில் வேக மாக வளர்ந்து வரும் விமானப் போக்குவரத்துத் துறையைக் கொண்ட நாடுகளில் இந்தியாவும் ஒன்று.

- இத .சக்திவேல்

இன்று இந்தியா வில் 6000 முதல் 7000 வரையிலான தொழிற்முறை விமானிகள் பணியாற்றிக் கொண்டிருக் கின்றனர்.

இன்னும் 15 முதல் 20 வருடங்களில் உள்நாட்டுப் போக்கு வரத்துக்கு அதிகமாக விமானத்தையே பயன்படுத்தும் நிலை உண்டாகும். விமானங்களின் எண்ணிக்கை அதிகமாகும். அதனால் குறைந்தபட்சம் 30 ஆயிரம் தொழில்முறை விமானிகளாவது தேவைப்படுவார்கள்.

அதாவது வரும் வருடங்களில் விமானிக்கான தேவை அதிகரித்துக் கொண்டே செல்லும்.

இந்நிலையில் மிக இளம் வயதிலேயே கமர்ஷியல் விமானிக்கான உரிமைத்தைப் பெற்று அசத்தியிருக்கிறார் சமைரா ஹல்லர்.

கர்நாடகாவில் உள்ள பீஜப்பூரைச் சேர்ந்தவர், சமைரா ஹல்லர். சிறுவயதிலிருந்தே குதிரையேற்றம், நீச்சல், மலையேற்றம் என்று சாகச விளையாட்டுகளில் ஆர்வமுடையவராக இருந்தார்.

சமைராவுக்கு ஐந்து வயதாக இருந்தபோது ஹெலிகாப்டரில் பயணம் செய்வதற்கான வாய்ப்பு கிடைத்தது. உடன் அவரது அம்மா நசீயாவும் பயணித்தார்.

ஹெலிகாப்டரை இயக்குபவர்கள் அணிந்திருந்த சீருடை நசீயாவை வெகுவாகக் கவர்ந்தது. தன் மகளும் இப்படியான சீருடை அணிந்த ஒரு வேலைக்குத்தான் செல்ல வேண்டும் என்று அப்போதே முடிவு செய்து விட்டார் நசீயா.

சமைராவுக்கு ஏழு வயதாக இருந்தபோது, தில்லி விமான நிலையத்தில் விமானத்துக்காக அம்மாவுடன் காத்துக்கொண் டிருந்தார். அப்போது விமானிகள் மற்றும் விமானப் பணிப் பெண்கள் அவர்களைக் கடந்து சென்றனர்.

“விமானிகளும், விமானப் பணிப்பெண்களும் அணிந்திருந்த சீருடையைப் பார்த்தபோது, தானாகவே அவர்கள் மீது எனக்கு மரியாதை உண்டாகியது. சமைராவுக்கும் அவள் பார்க்கிற வேலை இப்படியான மரியாதையைப் பெற்றுத்தர வேண்டும்...” என்கிற நசீயா, பீஜப்பூரில் உள்ள தில்லி பப்ளிக் ஸ்கூலில் முக்கிய பொறுப்பில் இருக்கிறார்.