CIBIL...அரக்கனா... தேவனா..?

சிபில்.. மத்தியதர வர்க்கம் இன்றைய நிலையில் அலறும் ஒரே சொல் இதுதான்.

- என்.ஆனந்தி

எமதர்மனுக்கு சித்ரகுப்தன் எப்படி உலகத்தில் நாம் செய்யும் அனைத் தையில் குறிப்பு எடுக்கிறாரோ, அப்படி சிபில் என்ற அமைப்பும் அனைத்து பரிவர்த்தனைகளையும் பதிவு செய்கிறது.

நீங்கள் கார்லோன் எடுக்க வேண்டுமானாலும், நிதி அமைச்சர் வீட்டு லோன் எடுக்க வேண்டுமானாலும் அனைத்தும் சிபில் ஸ்கோரை பொறுத்தே அமைகிறது.

நமது pan எண்ணை வைத்து எவனோ எங்கோ போர்ஜரி செய்து லோன் வாங்கினால் பக்காவாக சிபில் அதனை ரெக்கார்ட் செய்துகொள்ளும். ஆனால், அது நாம் இல்லை என்று நிரூபித்து சிபிலிலிருந்து வெளியே வருவதற்குள் நாக்கு தள்ளிவிடும்.

லோன்களில் வங்கிகள் செய்யும் தவறுகள் சிபிலில் திருத்தப்படுவதே இல்லை. சிபிலை அணுகி நம்பக்கத்து நியாயத்தைச் சொல்லும் வழிகள் எல்லாமே மாய மந்திரமாகவே இருக்கிறதே தவிர எளிமையாக இருக்காது.

வங்கிகள் செய்யும் அலட்சியம், சிபில் என்ற இத்துப்போன ரேட்டிங் காரணமாக ஏகப்பட்ட நடுத்தர மக்கள் அவசரத்திற்கு லோன் எடுக்க முடியாமல் அவதிப்படுகிறார்கள்.

ஒரு சிறிய தாமதத்தைக் காரணம் காட்டி சிபில் ஸ்கோர் குறைக்கப்பட்டு, கடன் மறுக்கப்படுகிறது அல்லது வட்டி அதிகமாகக் கேட்கப்படுகிறது.

உதாரணத்துக்கு உங்கள் கிரெடிட் கார்டில் பணத்தை அதிகமாகச் செலுத்திவிட்டீர்கள் என்று வைத்துக் கொள்வோம். அது மைனஸில் ஸ்டேட்மெண்ட் காண்பிக்கும். அதையும் நீங்கள் பாக்கி வைத்திருப்பதாக சிபில் உங்கள் ஸ்கோரைக் குறைக்கும். எனவேதான் இது ஒரு பக்கா ஸ்கேம் (Scam) என்கிறார்கள்.

இந்த CIBIL அரசாங்கத்தால் நடத்தப்படுகிறதா?