களிமண ராஜர்!

பெயர் : ரஃபேல் நடால் பெரேரா. பிறந்த தேதி : 03-06-1986. பிறந்த இடம் : ஸ்பெயினில் உள்ள மனாகோர்.

- த.சக்திவேல்

பெயர் : ரஃபேல் நடால் பெரேரா.

பிறந்த தேதி : 03-06-1986.

பிறந்த இடம் : ஸ்பெயினில் உள்ள மனாகோர்.

பெற்றோர்: அப்பா செபாஸ் டியன் நடால் ஹோமர், ஒரு பிசினஸ்மேன். சொந்தமாக இன்சூரன்ஸ் கம்பெனி மற்றும் உணவகத்தை நடத்தி வந்தார். அம்மா அனா மரியா பெரேரா, சொந்தமாக வாசனைத் திரவியங்கள் விற்பனை செய்யும் கடையை வைத்திருந்தார். ரஃபேலையும், அவரது சகோதரியையும் வளர்ப்பதற்காக கடையை அவர் தொடர்ந்து நடத்தவில்லை.

உயரம்: 6 அடி, 1 அங்குலம்.

பரிசுத்தொகை : இந்திய மதிப்பில் ரூபாய் 1140 கோடிக்கும் மேல். டென்னிஸ் விளையாட்டில் அதிக பரிசுத் தொகையைப் பெற்றவர்களின் பட்டியலில் இரண்டாம் இடத்தில் உள்ளார்.

குடும்பம் : கடந்த 2005ம் வருடம் சகோதரி மூலமாக மரியா ஃப்ரான்சிஸ்கா என்ற பெண் ரஃபேலுக்கு அறிமுகமானார். அப்போது ரஃபேலுக்கு வயது 19. மரியாவுக்கு 17. இருவரும் காதலிக்க ஆரம்பித்தனர். 2007-லேயே தங்களின் காதலைக் குறித்து பொது வெளியில் அறிவித்தார் ரஃபேல். ஆனால், 12 வருடங்கள் கழித்து தான், அதாவது 2019ல்தான் திருமணம் செய்துகொண்டனர். 2022ல் ரஃபேல் - மரியாவுக்கு ஒரு மகன் பிறந்தான்.

ரஃபேல் விளையாடும் பெரும்பாலான போட்டிகளை அவர் மனைவி நேரில் பார்ப்பதில்லை. ரஃபேலின் கடைசி போட்டியை மகனுடன் சேர்ந்து, மரியாவும் கண்டு களித்தார்.

தரவரிசைப் பட்டியல்: உலகின் நம்பர் ஒன் டென்னிஸ் வீரராக 209 வாரங்கள் இருந்தார்.

களிமண் ராஜா : களிமண் மைதானத்தில் ரஃபேலை வெல்வது கடினம். களிமண் மைதானத்தில் தொடர்ந்து 81போட்டிகளில் வெற்றி பெற்றிருக்கிறார். அவரை களிமண் ராஜா என்றே அழைக்கின்றனர்.