யார் இந்த கர்ப்பூரி தாக்கூர்?

சாதியைச் சொல்லி ஜனசங்கம் விமர்சித்தது... பாரத ரத்னா வழங்கி பாஜக கவுரவிக்கிறது!

- என்.ஆனந்தி

இந்தியாவின் மிக உயர்ந்த விருதான பாரத ரத்னா விருது பீகாரைச் சேர்ந்த கர்ப்பூரி தாக்கூருக்கு வழங்கப்பட உள்ளது. பிரதமர் மோடி இந்தத் தகவலை வெளியிட்டுள்ளார்.

கர்ப்பூரி தாக்கூரை இந்தியாவில் பலருக்குத் தெரியாது. ஆனால், பீகார் மற்றும் மத்திய இந்திய அரசியலை அறிந்தவர்களுக்கு இந்தப் பெயர் மிகப் பிரபலம்.

‘I bow to Jan Nayak Karpoori Thakur Ji on his birth centenary. On this special occasion, our Government has had the honour of conferring the Bharat Ratna on him. I’ve penned a few thoughts on his unparalleled impact on our society and polity...’ என்று தனது எக்ஸ் பக்கத்தில் குறிப்பிட்டு, கர்ப்பூரி தாக்கூர் குறித்து நீண்ட கட்டுரையையும் எழுதியிருக்கிறார் பிரதமர் மோடி,‘நான் கர்ப்பூரி தாக்கூரை சந்தித்ததில்லை. ஆனால், அவரைப் பற்றி அவருடன் நெருங்கிப் பழகியவர்களிடமிருந்து நேரடியாக கேட்டுத் தெரிந்து கொண்டிருக்கிறேன்.