தேர்தலைக் குறிவைக்கும் காவித் திரை!

‘கண்ணா... ‘காஷ்மீர் ஃபைல்ஸ்’, ‘கேரளா ஸ்டோரி’ எல்லாம் சும்மா ஜுஜூபி. அதைவிட சும்மா காரம் கரம் மசாலா கலந்த ஃபிலிம் எல்லாம் சீக்கிரம் வருகிறது...’ என்று குதூகலித்துக் கிடக்கிறார்கள் வடநாட்டு திரைத்துறையினர். 

- டி.ரஞ்சித்

2024 பாராளுமன்றத் தேர்தல் இந்தியாவுக்கும் பாகிஸ்தானுக்கும் நடக்கும் ஃபைனல் மேட்ச் என்றால் விரைவில் நடக்க இருக்கும் 5 மாநிலத் தேர்தல் பாஜகவுக்கும் ‘இண்டியா’ கூட்டணிக்கும் இடையேயான செமி ஃபைனல் என்று களத்தில் கச்சை கட்டுகிறார்கள் இரு தரப்பினரும்.

இந்நிலையில்தான் தேர்தலைக் குறிவைத்து பாஜக ஆதரவு சக்திகள் திரைப்படங்களைத் தயாரித்து வருவது வெளிச்சத்துக்கு வந்திருக்கிறது. அவற்றில் சில...

ரசாக்கர்

ரசாக்கர்கள் என்பவர்கள் ஒருகாலத்தில் ஐதராபாத் சமஸ்தானத்தை ஆண்ட நிஜாம்கள் ஆட்சியில் இருந்த ஒரு தனி இஸ்லாமிய அமைப்பினர். அன்றைய ஐதராபாத் என்பது இன்றைய தெலுங்கானா, மகாராஷ்டிரத்தின் ஒரு பகுதி மற்றும் கர்நாடகாவின் ஒரு பகுதியை உள்ளடக்கியது.

நிஜாம் ஆட்சி எனபது முகலாயர்கள் காலத்திலேயே ஏற்பட்ட ஒரு மன்னர் ஆட்சி முறை.

இன்றைக்கும் ஐதராபாத்தில் ஒரு கலவையான கலாசாரத்தைக் காணலாம். உதாரணமாக சென்னையில் பிரபலமான ஐதராபாத் பிரியாணிகூட இன்றைய ஐதராபாத்தில் ஹாட் உணவுதான்.

ஐதராபாத் கலாசாரத்தை இந்து என்பதா அல்லது இஸ்லாமிய முறை என்பதா என்று பிரித்து அறியமுடியாமல் பலர் இன்றும் திணறலாம். ஆனாலும் 1947ல் இந்தியா-பாகிஸ்தான் பிரிவு ஏற்பட்டபோது ஐதராபாத் சமஸ்தானம், பாகிஸ்தான் பக்கம் நிற்காமலும் இந்தியா பக்கம் நிற்காமலும் தனியாக ஆட்சி புரியப்போவதாக பிரகடனப்படுத்தியது.

ஐதராபாத்தில் முஸ்லிம்கள் மைனாரிட்டி. இந்துக்கள்தான் பெரும்பான்மை. இருந்தாலும் இந்திய சுதந்திரக் காலக்கட்டம் வரைக்கும் நிஜாம் ஆட்சிக்காலத்தில் ஒரு கலப்பு கலாசார மாநிலமாக அமைதியுடன்தான் திகழ்ந்தது.

இந்நிலையில், அன்றைய மாநிலங்கள் மற்றும் சமஸ்தானங்களை இந்தியாவுடன் சேர்க்க  பாடுபட்ட சர்தார் வல்லபாய் பட்டேல், நிஜாமின் சுயாட்சிக்கு செவி  சாய்க்கவில்லை. நிஜாமும் கொஞ்சம் கெத்து காட்டினார்.