പൊലീസ്കോൺസ്റ്റബിൾ വിജ്ഞാപനം വർഷംതോറും പക്ഷേ, നിയമനം കൂടുന്നില്ല

റാങ്ക് ലിസ്റ്റ് തീരാൻ ഒന്നര മാസം; ഇതുവരെ 30% നിയമന ശുപാർശ മാത്രം

-  ഷാജി പൊന്നോല

പോലീസ് കോൺസ്റ്റബിൾ റാങ്ക് ലിസ്റ്റിന്റെ കാലാവധി ഒന്നര മാസം മാത്രം ശേഷിക്കെ ഇതുവരെ നടന്നത് 30% നിയമന ശുപാർശ മാത്രം.

ഏഴു ബറ്റാലിയനുകളായി നിലവിൽ വന്ന റാങ്ക് ലിസ്റ്റിൽ 6,647 പേരെയാണു പിഎസ്സി ഉൾപ്പെടുത്തിയിരുന്നത്. ഏപ്രിൽ 14നു കാലാവധി അവസാനിക്കാനിക്കാനിരിക്കെ 2,028 പേർക്കു മാത്രമാണ് ഇതുവരെ നിയമന ശുപാർശ ലഭിച്ചത്. ആകെ നിയമന ശുപാർശയിൽ 173 എണ്ണം എൻജെഡി ഒഴിവുകളിൽ ആയതിനാൽ യഥാർഥ നിയമനം 1,855 മാത്രം. ഉയർന്ന കട്ട് ഓഫ് തീരുമാനിച്ച് ഇത്തവണത്തെ ലിസ്റ്റിൽ പിഎസ്സി ആളെ കുറച്ചപ്പോൾ റാങ്ക് ലിസ്റ്റിൽ ഉൾപ്പെട്ട ഭൂരിഭാഗം പേർക്കും നിയമനം ലഭിക്കുമെന്നാണ് ഉദ്യോഗാർഥികൾ പ്രതീക്ഷിച്ചത്.

പുതിയ ഒഴിവുകൾ വരുന്നതേയില്ല