KSEB മീറ്റർ റീഡർ ഉയർന്ന യോഗ്യതക്കാർക്കു ഷോക്ക് ജോലി പോകുമോയെന്ന് ആശങ്ക

എൻടിസി ഉള്ളവരെ മാത്രം ഉൾപ്പെടുത്തി റാങ്ക് ലിസ്റ്റ് പുനഃക്രമീകരിക്കണമെന്ന് ഹൈക്കോടതി ഇതുവരെ നിയമന ശുപാർശ ലഭിച്ചത് 304 പേർക്ക് നിയമന ശുപാർശ ലഭിച്ചതിൽ പകുതിയും ബിടെക്, ഡിപ്ലോമ യോഗ്യതക്കാർ

- 

കെഎസ്ഇബി മീറ്റർ റീഡർ സ്പോട് ബില്ലർ തസ്തികയിലേക്കു പിഎസ്സി പ്രസിദ്ധീകരിച്ച റാങ്ക് ലിസ്റ്റ് പുനഃക്രമീകരിക്കണമെന്നു ഹൈക്കോടതി ഉത്തരവിട്ടു.

ഇലക്ട്രിഷ്യൻ/വയർമാൻ/ഇലക്ട്രോണിക് ട്രേഡ് എന്നിവയിൽ നാഷനൽ ട്രേഡ് സർട്ടിഫിക്കറ്റ് (എൻടിസി) ഉള്ളവരെ മാത്രമേ ലിസ്റ്റിൽ ഉൾപ്പെടുത്താവൂ എന്നാണു ജസ്റ്റിസ് അമിത് റാവൽ, സി.എസ്.സുധ എന്നിവരുൾപ്പെട്ട ഡിവിഷൻ ബെഞ്ച് നിർദേശിച്ചത്. റാങ്ക് ലിസ്റ്റ് തയാറാക്കിക്കഴിഞ്ഞാണ് ബിടെക്കും ഡിപ്ലോമയും ഉയർന്ന യോഗ്യതയാണെന്ന ഉത്തരവിറക്കിയതെന്നും കോടതി ചൂണ്ടിക്കാട്ടി. തൃശൂർ സ്വദേശി മുഹമ്മദ് നയീം, കൊല്ലം സ്വദേശി നിസാമുദീൻ എന്നിവർ നൽകിയ അപ്പീൽ അനുവദിച്ചാണ് ഉത്തരവ്. റാങ്ക് ലിസ്റ്റ് പുനഃക്രമീകരിക്കുമ്പോൾ നാഷനൽ ട്രേഡ് സർട്ടിഫിക്കറ്റ് ഇല്ലാതെ ഡിഗ്രി, ഡിപ്ലോമ യോഗ്യതയുടെ അടിസ്ഥാനത്തിൽ റാങ്ക് ലിസ്റ്റിൽ ഉൾപ്പെട്ടു നിയമനം ലഭിച്ചവർക്കു ജോലി നഷ്ടമാകാം. 304 പേർക്കാണ് ഇതുവരെ ഈ ലിസ്റ്റിൽ നിന്നു നിയമന ശുപാർശ ലഭിച്ചിരിക്കുന്നത്. ഇതിൽ പകുതിയിലധികം പേരും ബിടെക്, ഡിപ്ലോമ യോഗ്യത ഉള്ളവരാണെന്നാണു വിവരം.

പ്രശ്നം തത്തുല്യ യോഗ്യത