முற்பிறவி ஆசையை இப்பிறவியில் நிறைவேற்றிய அகத்தியர்!

ஜீவநாடியில் பலனறிய ஒரு இளம் பெண் தன் தாயுடன் வந்திருந்தாள். அவர்களை அமர வைத்தேன். என் முன்னே அமர்ந்த அந்தப் பெண், நான் எதுவும் கேட்காமலேயே பலன்கேட்க வந்த காரணத்தைக் கூறினார்.

- 

“ஐயா, என் கணவர் ஒரு IT கம்பெனியில் வேலை செய்கின்றார். மாதா மாதம் சம்பளப் பணத்தை அப்படியே என்னிடம் கொடுத்துவிடுவார். ஒரு குடும்பத் தலைவராக இருந்து குடும்பப் பொறுப்புகள் எதனையும் செய்ய மாட்டார். எங்களுக்கு இரண்டு வயதில் ஒரு குழந்தை உண்டு. ஒரு நல்ல தகப்பனாக இருந்து குழந்தைக்கும் எதுவும் செய்வதில்லை. குடும்பம் சம்பந்தமான வேலைகள், வெளி வேலைகள் அனைத்தையும் நான்தான் செய்ய வேண்டும். இந்த நிலைமாறி அவர் குடும்பத்தையும் குழந்தையையும் கவனிப்பாரா, பொறுப்புள்ள வராக மாற்ற வழிகேட்டு வந்தேன்” என்றாள்.

ஜீவநாடி ஓலையைப் பிரித்துப் படிக்கத் தொடங்கினேன். ஓலையில் அகத்தியர் எழுத்துவடிவில் தோன்றி பலன்கூறத் தொடங்கினார்.

இவள் கணவன் திருமணம் செய்த நாள்முதல் இன்றுவரை இவளுக்கு ஆசையாக ஒரு முழம் பூ, ஒரு சேலை, குழந்தைக்கு உடை, திண்பண்டம் என எதையும் வாங்கிக் கொடுக்கவில்லை. ஆசையாக எங்கும் வெளியில் கூட்டிச் சென்றதில்லை. வீட்டுவேலை, வெளிவேலை, உறவினர் வீட்டு விசேஷங்கள் என அனைத்தையும் இவளேதான் செய்கின்றாள். ஏன்? தாம்பத்திய உறவு கூட தடையாகத்தான் உள்ளது.