టోనీ టాటూలు

టోనీ టాటూలు

- కథ • అల్కాజైన్

ధానమంత్రి తన్వీర్ సింగ్ పులి ఆ సాయంత్రం 'డ్రీమ్ ఫ్లవర్ ఫారెస్ట్లో తన సాధారణ పర్యటనలో ఉన్నాడు. అప్పుడు టోనీ నక్క దుకాణం దగ్గర పెద్ద ఎత్తున జనం గుమిగూడి ఉండటాన్ని చూసాడు.

అది చూసి ఆశ్చర్యపోయాడు. ఎందుకంటే టోనీ ఎండాకాలంలోనే జ్యూస్ స్టాల్ నడుపుతాడు. కానీ అడవిలో ఇంకా శీతాకాలం ఉంది.

"బహుశా టోనీ శీతాకాలం కోసం వేయించిన పల్లీలు అమ్ముతున్నాడేమో” అని తన్వీర్ సింగ్ ఇంటికి తిరిగి వెళ్లేటప్పుడు తనలో తాను అనుకున్నాడు.

అక్కడ అతను తన సెక్రటరీ జగ్గీ కోతిని కలుసుకుని జనం ఎందుకు గుమిగూడి ఉంటాడని అడిగాడు.

“సార్, అతను ఫుడ్ అమ్మడం లేదు" అని జగ్గీ బదులిచ్చాడు.

“అలాగైతే అతని స్టాల్ వద్ద జనం ఎందుకు గుమిగూడారు? అతను మాయాజాలం చేస్తున్నాడా?” అని అడిగాడు తన్వీర్ సింగ్. జవాబు ఇవ్వకపోతే తన్వీర్ సింగ్ తన ప్రశ్నలు ఆపడు కాబట్టి, జగ్గీ అతనికి వివరంగా సమాధానం ఇవ్వాలని నిర్ణయించుకున్నాడు.

“సార్, ప్రస్తుతం నగరంలో టాటూలు బాగా ప్రాచుర్యం పొందాయి. గత సంవత్సరం నగరంలోని జూ నుంచి తప్పించుకుని మన అడవి గుండా వెళ్లిన బిక్కూ ఎలుగుబంటి, జూలో తాత్కాలిక టాటూ కౌంటర్ ఏర్పాటు చేసారని, అది జంతువుల కంటే పిల్లలను ఎక్కువగా ఆకర్షించిందని మాకు చెప్పింది" అని వివరించాడు జగ్గీ.

తన్వీర్ సింగ్ పగలబడి నవ్వుతూ “ఓ హె అలాగా. మానవులు నిజమైన జంతువులను చూసి ఆనందించే బదులు, వాటి శరీరాలపై జంతువులు చిత్రాలను టాటూలుగా వేయించుకోవడానికి ఇష్టపడుతున్నారన్నమాట!” అని అన్నాడు.

“అవును అందుకే టోనీ నక్క తన స్టాల్ను టాటూ షాప్ ఉపయోగించుకోవాలని నిర్ణయించుకున్నాడు. ఇది నిజంగా బాగానే ఉంది. అందరూ టాటూలు

వేయించుకోవడానికి ఆసక్తిగా ఉంటారు. అందుకే సాయంత్రం వేళల్లో అక్కడ పెద్ద జన సమూహం ఉంటుంది" జగ్గీ జవాబిచ్చాడు.

“అతని టాటూలలో అంత ప్రత్యేకత ఏమిటి?” అని తన్వీర్ సింగ్ అడిగాడు.

“టోనీ టాటూలు శాశ్వతం కాదు. అవి ఏడు రోజుల తర్వాత మాయమవుతాయి. కాబట్టి ఒకే జంతువు అనేకసార్లు వేర్వేరు టాటూలు వేయించుకోవచ్చు” అని జగ్గీ చెప్పాడు.

తన్వీర్ సింగ్ “ఇది చాలా ఇంట్రస్టింగ్ గా ఉంది! నాకు కూడా టాటూ వేయించుకోవాలని ఉంది” అన్నాడు.