பிங்க களூ

"நான் ஏதாவது செய்ய வேண்டும் என்று நினைக்கிறேன்," என்று இன்ஸ்பெக்டர் மிஸ்ரா பெருமூச்சு விட்டார், அவர் வேலையிலிருந்து திரும்பிய பிறகு டைனிங் டேபிளில் அமர்ந்தார்.

- சர்வமித்ரா

"ஏன் இப்படி கவலைப்படுகிறீர்கள்?' அவன் மனைவி சுனிதா இரண்டு கோப்பை தேநீருடன் உள்ளே நுழைந்தாள்.

"எங்கள் வாட்ச்மேன் மகன் கேசவை நீ பார்த்திருக்கிறாயா?" இன்ஸ்பெக்டர் மிஸ்ரா கேட்டார்.

"ஆம், அவன் ஒரு அமைதியான பையன், தான் உண்டு தன் வேலை உண்டு என்று இருப்பான். கல்லூரியில் இது அவன் பட்டம் பெரும் ஆண்டு ஆயிற்றே?' சுனிதா கேட்டாள்.

"ஹ்ம்ம். ஏழைப் பையன் சிக்கலில் இருக்கிறான். அவன் அலுவலகத்தில் இருந்து கொஞ்சம் பணத்தை திருடியதாக அவனது கல்லூரி கூறுகிறது."

“என்ன!” சுனிதா பதறினாள்.

"ஆமாம், அவர்கள் வழக்குப் பதிவு செய்து ஆதாரத்தையும் சமர்ப்பித்துள்ளனர்," இன்ஸ்பெக்டர் மிஸ்ரா தனது பாக்கெட்டிலிருந்து ஒரு பழுப்பு நிற உறையை எடுத்து, சுனிதாவை நோக்கி டேபிளின் குறுக்கே நீட்டினார். "நேற்று வேறொரு மாணவர் எடுத்த புகைப்படங்கள் இவை."

சுனிதா புகைப்படங்களைப் பார்த்தாள். கேசவ் கல்லூரியின் அலுவலக அறையில் டிராயர்களை பிடித்து இழுப்பது போன்றிருந்தது. "என்னால் இதை நம்ப முடியவில்லை," என்று சுனிதா குழப்பத்துடன் கூறினாள். "கேசவ் அண்ணா, என்ன சொன்னாங்கப்பா?" 12 வயது தீரஜ் கேட்டான். அவன் அங்கேயே தன் பெற்றோரின் உரையாடலைக் கேட்டுக் கொண்டிருந்தான்.

"அவர் நிரபராதி என்றும் நேற்று அலுவலக அறைக்குள் செல்லவில்லை என்றும் கூறினான். ஆனால் இந்த புகைப்பட ஆதாரம் வேறுவிதமாக கூறுகிறது," என்று இன்ஸ்பெக்டர் மிஸ்ரா பதிலளித்தார்.

"கேசவ் அண்ணா திருடி இருக்கமாட்டார்'' என்று நம்பிக்கையுடன் கூறினான் தீரஜ்.

"எப்படி என்றால், கேசவ் அண்ணா ஒருமுறை மாம்பழம் திருடிய தீரஜை பிடித்து அவனுக்கு அறிவுரை வழங்கி, இதை யாரிடமும் சொல்லவும் இல்லை" என்று உள்ளே நுழைந்த அவனுடைய அக்கா தியா சிரித்துக்கொண்டே தன் தம்பியை மகிழ்ச்சியோடு மாட்டி விட்டாள்.

"தியா, உன்னால் எப்படி இப்படி பேச முடிகிறது!" தீரஜ் ஆத்திரமடைந்தான். "அந்த மாம்பழங்களில் சில உன்னிடமும் இருந்தது, இல்லையா? மாம்பழம் வேண்டும் என்று கேட்டதே நீதான்." "நான்..." தியா தயங்கி, தகுந்த விளக்கம் தர முயன்றாள். "ஆமாம், நீ மரத்தில் ஏறும் அளவுக்கு தைரியமாக இருக்கிறாயா என்று சோதிக்க விரும்பினேன்."