மலை மீது ஒரு பேய்

இந்த வருடம் சம்பக் வனத்தில் அதிக மழை பெய்திருந்தது. இதனால் வெள்ளம் ஏற்பட்டது, சீக்கு முயல் மற்றும் ஜம்பி குரங்கு வீடு மழை வெள்ளத்தில் அடித்துச் செல்லப்பட்டன.

- குமுத் குமார்

இருவரும் சில மாதங்கள் தங்க இடமில்லாமல் திரிந்தன. வேறு வழி இல்லாமல் மரத்தடியில் தூங்கின. ஆனால் குளிர் காலம் நெருங்க நெருங்க, ஒரு புதிய வீட்டின் தேவையை உணர்ந்தன.

சீக்குவும் ஜம்பியும் வெள்ளம் வராத சிறிய மலையில் தங்கள் வீட்டைக் கட்ட முடிவு செய்தன.. மற்ற வனவாசிகள் வசித்து வந்த அதே மலையில் ஒரு காலி இடத்தில் புதிய வீட்டைக் கட்டத் தொடங்கின.

சில நாட்களுக்குப் பிறகு, வேலை செய்து கொண்டிருந்தபோது, பிளாக்கி கரடி அங்கு வந்தது. “ஏய் சீக்கு ஜம்பி, நீங்கள் ஏன் இங்கே உங்கள் வீட்டைக் கட்டுகிறீர்கள்? இது மலை பேயின் தங்குமிடம் என்று உங்களுக்குத் தெரியாதா? என்று கேட்டது.

உடனே சீக்கு, “கரடி அண்ணா, நாங்கள் பேய்களை நம்பவில்லை. ஆனால் இங்கு பேய் தங்கினால், நாங்கள் பேயை தொந்தரவு செய்ய மாட்டோம் என்று உறுதி கூறியது.”

இந்த பதிலைக் கேட்டதும் பிளாக்கி ஆச்சரியப்பட்டது. இருந்தும் இருவரையும் எச்சரித்தது. நீ பேய்களின் ஆபத்துகளைப் பற்றி அறிந்திருக்கவில்லை. உண்மையில் ஒன்றை எதிர் கொள்ளும் போது நீங்கள் உணருவீர்கள்.

பிளாக்கியின் எச்சரிக்கையைப் பார்த்துச் சிரித்த சீக்கு, “மலைப் பேய் இதுவரை எத்தனை வனவாசிகளை விழுங்கி இருக்கு து?”என்று கேட்டது. உடனே பிளாக்கி, “நாங்கள் தினமும் மலைப் பேய்க்கு சுவையான உணவுகளை, வழங்குகிறோம். அதனால்தான் அந்த பேய் எங்களுக்கு தீங்கு விளைவிப்பதில்லை” என்றது.

சீக்கு சிரித்துக்கொண்டே, “உங்கள் பேய் விசித்திரமானது, நீங்கள் தரும் சுவையான உணவுகளை உண்கிறது” என்றது.உடனேபிளாக்கி, “அப்படியானால் நீங்கள் பேசாமல் இருங்கள். ஆனால் நீங்கள் எங்களிடையே தான் வாழப் போகிறீர்கள், உங்கள் முறை வரும் போது நீங்கள் பேய்க்கு உணவளிக்க வேண்டும்” என்று கூறிவிட்டு வெளியேறியது