ശരിയായ ഉറക്കത്തിന്റെ ആവശ്യകത

ഉറക്കത്തിൽ നമ്മുടെ രോഗപ്രതിരോധ സംവിധാനം സംരക്ഷിത സൈറ്റോ കൈനുകളും അണുബാധയെ ചെറുക്കുന്ന ആന്റിബോഡികളും കോശങ്ങളും ഉത്പാദിപ്പിക്കുന്നു. ഈ സൈറ്റോകൈനുകളും മറ്റ് സംരക്ഷണവസ്തുക്കളും രോഗപ്രതിരോധ സംവിധാനത്തിന് രോഗത്തിനെതിരെ പ്രതിരോധിക്കാൻ കൂടുതൽ ഊർജ്ജം നൽകുന്നു.

- Dr Arun Oommen MBBS, MS (Gen Surg), Mch(Neurosurgery), MRCS Ed (UK), MBA (Hospital administration), ENLS, D Litt (H), Phd (H), DSC(H) Neuro Endoscopy Fellow Senior Consultant Neurosurgeon VPS Lakeshore Hospital Kochi, India.

ശ്വസിക്കുന്നതും ഭക്ഷണം കഴിക്കുന്നതും ആവശ്യമുള്ളതു പോലെ തന്നെ ഉറക്കവും അത്യാവശ്യമാണ്. നിങ്ങൾ ഉറങ്ങുമ്പോൾ, ശരീരം നിങ്ങളുടെ ശാരീരികവും മാനസികവുമായ ആരോഗ്യം പരിപാലിക്കുന്നതിലും മറ്റൊരു ദിവസത്തിനായി നിങ്ങളെ ഒരുക്കുന്നതിന്റെയും തിരക്കിലായിരിക്കും. ഉറക്കക്കുറവ് നമ്മുടെ മാനസികവും ശാരീരികവുമായ ആരോഗ്യത്തിനും അപകടകാരിയാകാം, കൂടാതെ ജീവിത നിലവാരം വല്ലാതെ താഴ്ത്തിയേക്കാം. നിങ്ങളുടെ ഉറക്കത്തിന്റെ ഗു ണനിലവാരം നിങ്ങളുടെ ഉണർന്നിരിക്കുന്ന ജീവിതത്തിന്റെ ഗുണനിലവാരത്തെ നേരിട്ട് ബാധിക്കുന്നു, അതിൽ നിങ്ങളുടെ മാനസീകതീവ്രത, ഉൽപ്പാദനക്ഷമത, വൈകാരിക സന്തുലിതാവസ്ഥ, സർ ഗ്ഗാത്മകത, ശാരീരികോർജ്ജസ്വലത, ശരീരഭാരം എന്നിവ ഉൾപ്പെടുന്നു. ഇത്ര കുറഞ്ഞ പരിശ്രമത്തിലൂടെ ഇത്രയധികം നേട്ടങ്ങൾ നൽകുന്ന മറ്റൊരു പ്രവർത്തനവുമില്ല! ഉറക്കക്കുറവ് നിങ്ങളുടെ മാനസീകാവസ്ഥയെയും ഊർജ്ജത്തെയും സമ്മർദ്ദം കൈകാര്യം ചെയ്യാനുള്ള കഴിവിനെയും ബാധിക്കും .

18-64 വയസ്സിനിടയിലുള്ള ഒരാൾക്ക് ആവശ്യമായ ശരാശരി ഉറക്കം 7-9 മണിക്കൂറാണ് (നാഷണൽ സ്ലീപ്പ് ഫണ്ടേഷൻ പ്രകാരം). എന്നാൽ ശരാശരി മുതിർന്നയാൾ രാത്രിയിൽ ഏഴ് മണിക്കൂറിൽ താഴെയാണ് ഉറങ്ങുന്നത്. ഇന്നത്തെ വേഗതയേറിയതും മത്സരാധിഷ്ഠിതവുമായ സമൂഹത്തിൽ, ആറോ ആര മണിക്കൂറോ ഉറക്കം വളരെ നല്ലതായി തോന്നിയേക്കാം. വാസ്തവത്തിൽ, ഇത് ദീർഘകാല ഉറക്കക്കുറവാണ്.

ഉറക്കക്കുറവ് കാരണമാകുന്ന ഗുരുതരമായ ആരോഗ്യ പ്രശ്നങ്ങൾ

• ഹൃദ്രോഗങ്ങൾ

• ഉയർന്ന രക്തസമ്മർദ്ദം

• പക്ഷാഘാതം

• പ്രമേഹം

• മൈഗ്രെയ്ൻ

• കുറഞ്ഞ പ്രതിരോധശേഷി

• വൈജ്ഞാനിക വൈകല്യം

• പെരുമാറ്റവൈകല്യങ്ങൾ

• അമിതഭാരം

ഉറക്കക്കുറവ്, പ്രത്യേകിച്ച് ഹൃദയ സംബന്ധമായ അസുഖങ്ങൾ മൂലമുള്ള മരണ സാധ്യത ഇരട്ടിയാക്കും. കുട്ടികളിലും കൗമാരക്കാരിലും, വളർച്ചയെ പ്രോത്സാഹിപ്പിക്കുന്ന ഹോർമോണുകൾ ഉറക്കത്തിൽ പുറത്തു വിടുന്നു, ഇത് പേശികളുടെ അളവ് വർദ്ധിപ്പിക്കാനും കോശങ്ങളുടെയും കലകളുടെയും അറ്റകുറ്റപ്പണികൾ നടത്താനും സഹായിക്കുന്നു. പ്രായപൂർത്തിയാകുമ്പോൾ ഉറക്കം വളർച്ചയ്ക്ക് അത്യന്താപേക്ഷിതമാണ്.

കേന്ദ്രനാഡീവ്യൂഹം