അണ്ഡാശയമുഴ അഥവാ ഒവേറിയൻ സിസ്റ്റ് ശ്രദ്ധിക്കേണ്ട കാര്യങ്ങൾ -

പലകാരണങ്ങൾ കൊണ്ടും അണ്ഡാശയമുഴകൾ രൂപപ്പെടാം. പാരമ്പര്യം അതിലൊരു പ്രധാന ഘടകമാണ്. അതുപോലെതന്നെ ഹോർമോണു കളുടെ അസന്തുലിതാവസ്ഥ, പോളി സിസ്റ്റിക് ഒവേറിയൻ സിൻഡ്രോം (PCOS), എൻഡോമെട്രിയോസിസ്, ഗുരുതരമായ പെൽവിക് അണുബാധ (Pelvic Inflammatory Disease) എന്നിവയെല്ലാം ഈ രോഗത്തിൻറെ . മറ്റു കാരണങ്ങളാണ്.

- ഡോ. ഷിബില കെ BAMS. MS(Ayu)

സ്ത്രീകളുടെ പ്രത്യുൽപാദനവ്യവസ്ഥയിലെ ഒരു പ്രധാനപ്പെട്ട അവയവമാണ് അണ്ഡാശയം അഥവാ ഓവറി. പെൽവി കാവിറ്റിയിൽ ഗർഭപാത്രത്തിന് ഇരുവശത്തുമായാണ് ഇവ സ്ഥിതി ചെയ്യുന്നത്. മാസംതോറും അണ്ഡത്തെ (Ovum) ഉത്പാദിപ്പിക്കുകയാണ് അണ്ഡാശയത്തിന്റെ പ്രധാന ധർമ്മം. അതിസങ്കീർണ്ണമായ പല ഹോർമോണുകളുടെയും പ്രവർത്തനഫലമായാണ് അണ്ഡോല്പാദനം (Ovulation) നടക്കുന്നത്.

പലകാരണങ്ങൾ കൊണ്ടും അണ്ഡാശയമുഴകൾ രൂപപ്പെടാം. പാരമ്പര്യം അതിലൊരു പ്രധാന ഘടകമാണ്. അതുപോലെതന്നെ ഹോർമോണുകളുടെ അസന്തുലിതാവസ്ഥ, പോളി സിസ്റ്റിക് ഒവേറിയൻ സിൻഡ്രോം (PCOS), എൻഡോമെട്രിയോസിസ്, ഗുരുതരമായ പെൽവിക് അണുബാധ (Pelvic Inflammatory Disease) എന്നിവയെല്ലാം ഈ രോഗത്തിൻറെ മറ്റു കാരണങ്ങളാണ്. ഭൂരിഭാഗം അണ്ഡാശയമുഴകളും ഗുരുതരമായ ആരോഗ്യപ്രശ്നങ്ങൾ സൃഷ്ടിക്കാറി ല്ലെങ്കിലും ചെറിയൊരു ശതമാനം സിസ്റ്റുകൾ വന്ധ്യത, ക്യാൻസർ മുതലായ ഗൗരവമേറിയ പ്രത്യാഘാതങ്ങളിലേക്ക് നയിച്ചേക്കാം. അണ്ഡാശയമുഴകൾ സാധാരണയായി സ്ത്രീകളുടെ പ്രത്യുൽപാദന കാലഘട്ടത്തിലാണ് കൂടുതലായും രൂപപ്പെടുന്നത്. എന്നിരുന്നാലും മാസമുറ നിന്നവരിലോ നിൽക്കുന്നതിനോട് അനുബന്ധിച്ചോ ഇത്തരം മുഴകൾ കണ്ടുവരാറുണ്ട്. അവയെ അല്പം കൂടി ശ്രദ്ധയോടെ കാണേണ്ടതാണ്.