125 സിസിയിലെ ഹീറോ!

സ്കൂട്ടർ സെഗ്മെന്റിൽ മേധാവിത്വം നേടാൻ സൂമിന്റെ 125 സിസി മോഡലുമായി ഹീറോ

- നോബിൾ എം. മാത്യു

2024 ഭാരത് മൊബിലിറ്റി എക്സ്പോയിൽ ഹീറോ അവതരിപ്പിച്ച നാലു മോഡലുകളിലൊന്നായിരുന്നു ഹീറോ സൂം 125. 125 സിസി വിഭാഗത്തിൽ ഡെസ്റ്റിനിയുള്ളപ്പോൾ പിന്നെന്തിനു പുതിയതൊരെണ്ണം എന്ന ചോദ്യത്തിനു ഹീറോയ്ക്ക് വ്യക്തമായ ഉത്തരമുണ്ട്. ഡിസൈനിലും പെർഫോമൻസിലും അതു വെളിവാക്കിയാണ് സൂം 125 എത്തിയിരിക്കുന്നത്. വിശദമായൊന്നു കാണാം.

ഡിസൈൻ

ടിവിഎസ് എൻടോർക്ക് നേടിയ വിപണി വിജയം തന്നെയാണ് ഹീറോയെയും ഒരു സൂപ്പർ ലുക്കും പെർഫോമൻസുമുള്ള 125 സിസി സ്കൂട്ടർ നിർമിക്കാൻ പ്രേരിപ്പിച്ചതെന്നു പകൽപോലെ വ്യക്തം. ഇതൽപം വൈകിപ്പോയെന്ന പരാതിയാണ് ഹീറോ പ്രേമികൾക്കുള്ളത്. എന്തായാലും സംഗതി ജഗപൊഗയായിട്ടുണ്ട്. സ്പോർട്ടി ഡിസൈൻ തന്നെയാണ് ഹൈലൈറ്റ്. ഡെസ്റ്റിനി പ്രായമായവരെ നോട്ടമിടുമ്പോൾ സൂം 125 യുവാക്കളെയും യുവതികളെയുമാണ് കടക്കണ്ണെറിയുന്നത്.