ഇടുക്കിയിൽനിന്നൊരു ഇലക്ട്രിക് ജീപ്പ്

മഹീന്ദ്ര ജീപ്പിന്റെ അതേ ഡിസൈനിൽ ചെറിയ ഇലക്ട്രിക് ജീപ്പ് നിർമിച്ച് ഇടുക്കി വെള്ളത്തൂവൽ സ്വദേശി ബിനു

- ഉമറുൾ ഫറൂക്ക്

ജീപ്പ് മലയാളികൾക്കെന്നും ഒരു വികാരമാണ്. ജീപ്പിനു ശേഷം ഒരുപാട് വാഹനങ്ങൾ പുറത്തിറങ്ങിയെങ്കിലും കേരളത്തിലെ മലയോര മേഖലകൾ കയറിയിറങ്ങാൻ ജീപ്പിനോളം മികച്ചതൊന്നും ഇതുവരെ എത്തിയിട്ടില്ല. സാധാരണക്കാരനു താങ്ങാവുന്ന വിലയിൽ മഹീന്ദ്ര നിർമിച്ച മേജറും കമാൻഡറുമെല്ലാം ഹൈറേഞ്ചിലുള്ളവരുടെ പ്രിയപ്പെട്ട വാഹനങ്ങളാകാനുള്ള കാരണവും ഇതു തന്നെയാണ്. വാഹനലോകം ഇലക്ട്രിക്കിലേക്കു ചുവടുവയ്ക്കുമ്പോഴും ഏതൊരു വാഹനപ്രേമിയും കാണാൻ ആഗ്രഹിച്ചിരുന്നതാണ് പഴയ മഹീന്ദ്ര ജീപ്പിന്റെ ഒരു ഇലക്ട്രിക് വെർഷൻ. അത് മലനിരകളിലൂടെ നിശ്ശബ്ദമായി നീങ്ങുന്ന സുന്ദരമായ കാഴ്ച സാക്ഷാൽക്കരിച്ചിരിക്കുകയാണ് ഇടുക്കി വെള്ളത്തൂവൽ സ്വദേശി ബിനു.

കളിക്കാൻ നിർമിച്ച വാഹനം