സിംപിൾ But പവർഫുൾ

സ്റ്റൈൽ എല്ലാം ഒത്തുചേർന്ന സിംപിൾ വൺ പവർ, റേഞ്ച്, ഇ-സ്കൂട്ടർ ഇപ്പോൾ കൊച്ചിയിലും

- റോഷ്നി

ഏറ്റവും റേഞ്ച് ഉള്ള ഇ സ്കൂട്ടർ ഏതാണെന്നു ചോദിച്ചാൽ ഉത്തരം 'സിംപിളാണ്!' ബെംഗളൂരു ആസ്ഥാനമായി പ്രവർത്തിക്കുന്ന ഇവി സ്റ്റാർട്ടപ് സിംപിൾ എനർജിയുടെ സിംപിൾ വൺ'. 2021ൽ ആണ് സിംപിൾ വൺ ഇ-സ്കൂട്ടറിന്റെ കോൺസെപ്റ്റ് മോഡൽ അവതരിപ്പിച്ചത്. അന്നു ലഭിച്ച ഫീഡ്ബാക്ക് അടിസ്ഥാനമാക്കി ഒട്ടേറെ മെച്ചപ്പെടുത്തലുകൾക്ക് ശേഷമാണ് 2023ൽ പ്രൊഡക്ഷൻ മോഡൽ വിപണിയിലെത്തിച്ചത്. പവർ, റേഞ്ച്, സ്റ്റൈൽ എന്നിങ്ങനെ എല്ലാ തരത്തിലും എതിരാളികളെ വെല്ലാൻ പറ്റിയ മോഡൽ. കുറച്ചുകൂടെ നേരത്തെ വന്നിരുന്നെങ്കിൽ നന്നായിരുന്നെന്നു തോന്നി. ഇപ്പോൾ ഐടി നഗരത്തിൽനിന്നു പുറത്തു കൊച്ചിയിലും ഓടിത്തുടങ്ങിയിരിക്കുന്നു. സിംപിൾ വൺ, ഡോട്ട് വൺ എന്നിങ്ങനെ രണ്ടു വേരിയന്റുകൾ. വിശദമായ ടെസ്റ്റ് റൈഡിലേക്ക്...

ഡിസൈൻ

സ്കൂട്ടർ രൂപത്തിലുള്ള ബൈക്ക്. സിംപിളായി ഇങ്ങനെ വിശേഷി പ്പിക്കാം. നീളം, വീതി, സീറ്റിന്റെ ഉയരം എല്ലാം ബൈക്കിനു സമാനമായ രീതിയാണ് അവലംബിച്ചിരിക്കുന്നത്. ഫ്യൂച്ചറിസ്റ്റിക് ഡിസൈൻ. ഷാർപ് എഡ്ജസ്, ആംഗുലർലൈനുകൾ പ്രീമിയം ലുക്ക് നൽകും. ത്രികോണാകൃതിയിലുള്ള എൽഇഡി ഹെഡ്ലാംപ്, മുൻവശം ആപ്രോൺ കോൺ ആകൃതിയിലാണ്. അതിൽ ചേർന്നു നിൽക്കുന്ന രീതിയിലാണ് ഇൻഡിക്കേറ്ററും. ഹാൻഡിൽ ബാറിലേക്കു നോക്കുമ്പോൾ പുരികത്തിന്റെ ആകൃതിയിലുള്ള എൽഇഡി പകൽക്കണ്ണുകൾ കാണാം. തീക്ഷ്ണമായി നോക്കുന്നപോലെ തോന്നും. 12 ഇഞ്ചിന്റെ അലോയ് വീലുകൾ. ബോഡിയിലുടനീളം ആംഗുലാർ ഷാർപ് ഡിസൈൻ കാണാം. മുന്നിൽ ട്വിൻ ടെലിസ്കോപിക് സസ്പെൻഷനും പിന്നിൽ മോണോഷോക്കുമാണ്.

ഫീച്ചറുകൾ