മാഞ്ഞുപോയ നിറചിരി

തലച്ചോറിനെ ബാധിച്ച കാൻസർ ഓരോ വട്ടവും പിടിച്ചുലച്ചിട്ടും ചിരിയോടെയാണ് ശരണ്യ നേരിട്ടത്. ഓഗസ്റ്റ് ഒൻപതിന് ആ ചിരി മാഞ്ഞു

ചെമ്പഴന്തിയിലെ "സ്നേഹസീമ'യിലിരുന്നാൽ അകലെ നിന്ന് ഒഴുകിയെത്തുന്ന ബാങ്കുവിളിയും പള്ളിമണിയും കേൾക്കാം. ശ്വസിക്കുന്ന കാറ്റിൽ മുറ്റത്തെ അമ്പലത്തിൽ നിന്നുള്ള കർപ്പൂരത്തിന്റെയും ചന്ദനത്തിന്റെയും ഗന്ധം. പക്ഷേ, ദൈവങ്ങളൊന്നും ഇവരുടെ പ്രാർഥന കേട്ടില്ല.