ஆரோக்கிய வாழ்விற்கு சிறுதானியங்கள்

நம் முந்தைய தலைமுறையினர்கள் நல்ல ஆரோக்கியமாக வாழ்ந்ததற்கு அவர்களின் உணவு முறையே காரணமாகும். குதிரைவாலி, கேழ்வரகு, கம்பு, திணை, சாமை, வரகு, பனிவரகு போன்ற சிறுதானியங்கள் பாரம்பரிய உணவுகளில் பிரதானமாக இருந்தன. இந்த பயிர்களில் இருந்து செய்யப்பட்ட உணவுப் பண்டங்கள் நல்ல சத்துகளையும் அதன் மூலம் ஆரோக்கியமும் அவர்களுக்குக் கிடைத்தது.

- ப.சிவக்குமார், ஆர்.ஸ்ரீஜா, க.அசோக்குமார்

பசுமைப் புரட்சியின் போது உணவு பஞ்சத்தை தீர்க்க உணவு உற்பத்தி பெருக்கத் தேவையான நடவடிக்கைகள் மேற்கொள்ளப்பட்டன. நெல்லுக்கும் கோதுமைக்கும் முக்கியத்துவம் தரப்பட்டது. இதனால் உற்பத்தி பெருக்கப்பட்டு இந்த இரு தானியங்களை விளைவிக்கும் நிலப்பரப்பும் அதிகரிக்கப்பட்டது. இதனால் சிறுதானிய விளைச்சலும், பயன்படுத்தும் நிலையும் க