સામાન્ય મહિલાઓનું અસામાન્ય નેતૃત્વ : 'તૂ ધૂપ હૈ, છમ્મ સે બિખર..'

આમ તો વિશ્વ મહિલા દિવસ દુનિયાભરની મહિલાઓના સન્માનમાં મનાવવામાં આવે છે, પણ અમુક મહિલાઓ ખાસ આ સન્માનની હકદાર હોય ભલે પહેલી નજરે તેમનામાં કશું વિશેષ નજરે ન પડે, પણ પરિસ્થિતિનો સામનો કરવાની હિંમત અને અલગ અંદાજ તેમને ટોળાંથી અલગ તારવી આપે છે. આ મહિલાઓ કોઈ બીજી દુનિયામાં નહીં, પણ આપણી આજુબાજુ, આપણી વચ્ચે જ હોય છે. આવી જ કેટલીક મહિલાઓની વાત કરી છે.

- નરેશ મકવાણા

મહિલાઓ પ્રત્યે સન્માન અને પ્રેમ વ્યક્ત કરવા, તેમનાં કાર્યોની કદર કરવા, દર વર્ષે ૮મી માર્ચ વિશ્વ મહિલા દિવસની ઉજવણી કરવામાં આવે છે. દરેક વખતે એક ચોક્કસ થીમ નક્કી કરવામાં આવે છે જેને ધ્યાનમાં રાખીને સૌ ઉજવણી કરતાં હોય છે. આ વર્ષની થીમ છે: “નેતૃત્વમાં મહિલાઓઃ કોવિડ-૧૯ની દુનિયામાં એકસમાન ભવિષ્યની પ્રાપ્તિ .