થપ્પડ ગુંજને ગીતમાં બદલાતાં શીખો

આમ તો ફિલ્મો એ સમાજનું દર્પણ હોય છે. સમાજમાં બનતી વાસ્તવિક ઘટનાઓમાં થોડી કલ્પનાનો વઘાર કરીને એક મસ્ત મસાલેદાર ચટપટી વાનગી બને એ ફિલ્મ. ફિલ્મો વાસ્તવિકતાથી તદ્દન પર ન હોવી જોઈએ, સાથોસાથ ફિલ્મ મનોરંજન સાથે સમાજને એક માર્ગ ચીંધે એ જરૂરી હોય છે.

મને લાગે છે કે સ્ત્રી માટે, સ્ત્રીના પ્રશ્નો કે સમસ્યા માટે બનતી કોઈ પણ ફિલ્મ કદાચ સ્ત્રીની માનસિકતાને, વિચારસરણીને કે લાગણીને સંપૂર્ણ ન્યાય કે વાચા નથી આપી શકી. આવું જ મને 'થપ્પડ' ફિલ્મ માટે પણ લાગ્યું. ફિલ્મની બે-ત્રણ વાતો ફિલ્મ જોનાર દરેક સ્ત્રીને વ્યવહારમાં સમાજવ્યવસ્થા કે પારિવારિક જીવનમાં બંધબેસતી નહીં લાગે.