તમારું બાળક ડાયપરથી થતી ફોલ્લીઓથી પરેશાન છે, અપનાવો આવી અસરકારક ટીપ્સ

જો તમે વારંવાર બાળકના બાળોતિયા બદલાવાથી પરેશાન છો અને તમે આ સમસ્યાથી બચવા માટે મોટાભાગે ડાયપરનો ઉપયોગ કરો છો, તો એવું ન કરો, કારણ કે લાંબા સમય સુધી ડાયપર પહેરવાથી બાળકને ફોલ્લીઓ થવાની સમસ્યા થઈ શકે છે. જો તમે એવું વિચારી છો કે બાળક ડાયપર પહેરાવ્યા બાદ શાંતિથી સૂઈ જાય છે, તો તમે ભૂલ કરો છો. ઘણીવાર ડાયપરમાં રહેલ ભેજ, પાણી વગરે ને કારણે બાળકોને ફોલ્લીઓ થઇ જાય છે, જેના કારણે તેઓને બળતરા થાય છે અને તેઓ રડે છે. મોટા ભાગના કિસ્સાઓમાં, ફોલ્લીઓનું મુખ્ય કારણ નેપીઝ અથવા ડાયપરમાં ભીનાશ, ડાયપર ટાઇટ, અથવા ડિટર્જન્ટ રહી જવું વગેરે, જે ફોલ્લીઓની સમસ્યામાં વધારો કરે છે. તો ચાલો આપણે જાણીએ કે બાળકોને ડાયપરને કારણે થતી ફોલ્લીઓથી બચાવવા માટે શું કરવું જોઈએ.

- 

જો બાળકને ડાયપરનાં કારણે ફોલ્લીઓ થાય તો શું કરવું?

ખાસ ધ્યાનમાં રાખો કે બાળકોના નેપી કે ડાયપરને ધોવા માટે સુગંધિત ડિટર્જન્ટ અથવા સાબુનો ઉપયોગ કરવો નહિ. કેટલીક વાર ડિટર્જન્ટનો અમુક ભાગ કપડાના રેસામાં રહી જાય છે, જેના કારણે બાળકોની ત્વચા પર ફોલ્લીઓ થઈ શકે છે. શક્ય હોય તો, નેપીઝ કે ડાયપર ધોતી વખતે પાણીમાં ૧/૨ કપ વિનાઇલ ઉમેરો.